*Waishukuru Halmashauri Kuu ya CCM kwa kumuamini na Kumteua._
*Atembelea na kukagua Mradi wa Ujenzi wa Ofisi ndogo za UWT Taifa inayengwa eneo la Mama Maria Nyerere K/Koo Wilayani Ilala Jijini Dsm_
Wafanyabiashara wadogowadogo maarufu Wamachinga wafurahia ujio wa Katibu Mkuu wa Jumuiya ya Umoja wa Wanawake Tanzania (UWT) Ndugu Jokate Mwegelo na kusema muunganiko wake na Mwenyekiti wa Jumuiya hiyo Mama Mary Chatanda utaleta matokeo chanya zaidi haswa kwa Wanawake wajasiriamali wadogowadogo.
Hayo yamejiri tarehe 24 Oktoba, 2023 ambapo Wamachinga hao wamekutana na Katibu Mkuu Jokate mara baada ya kutembelea na kukagua mradi wa ujenzi wa Ofisi ndogo ya UWT Taifa Mkoa wa Dar es salaam inayojengwa K/Koo eneo la Mama Maria Nyerere Wilayani Ilala.
Mara baada ya Katibu Mkuu Jokate kutembelea ujenzi huo ndipo Wafanyabiashara hao walipomfata na kumpongeza.
Wafanyabiashara hao wameipongeza Halmashauri Kuu ya CCM chini ya Mwenyekiti wa CCM na Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kumuamini na kumteua Jokate kuwa Katibu Mkuu kwani wanaamini kazi anaiweza ni mbunifu na anayejitoa na kujituma wakati wote mwenye chachu ya kuona Maendeleo yanakuwa makubwa haswa kwa Wanawake
