Kamanda wa Polisi mkoa wa Songwe, Kamishna Msaidizi wa Jeshi la Polisi ACP Theopista Mallya Oktoba 06, 2023 ameongoza Harambee ya kuchangisha pesa kwa lengo la kununua tanki la kuhifadhia maji kwa ajili ya shule ya sekondari ya kutwa ya Lwati iliyopo kata ya Halungu Wilaya ya Mbozi.
Kamanda Mallya akiwa kama mgeni rasmi katika harambee hiyo aliwezesha kupatikana kwa kiasi cha shilingi Laki 6 kati ya Shilingi Laki 9 kisha kutoa kiasi kilichobaki.
Imeelezwa kuwa, kupatikana kwa tanki hilo kutawezesha au kutatua changamoto ya maji shule hapo.
Hata hivyo harambee hiyo imefanyika baada ya juhudi za kamanda wa Polisi mkoa wa Songwe kuwa na muendelezo wa kutembelea mashuleni kuhamasisha jamii kushirikiana na Jeshi la Polisi katika kupinga ukatili wa kinjinsia na unyanyasaji wa watoto ikiwa ni pamoja na kubaini, kutanzua na kuzuia uhalifu kwa njia ya ubia endelevu pamona na kuchangia na kushiriki kwenye maendeleo.
Aidha, Kamanda Mallya alipata nafasi ya kuzungumza na wananchi na wazazi walioudhulia katika mahafali hayo aliwataka kuwasimamia watoto wasome na sio kuwaozesha pia aliwasihi wahitimu na wanafunzi wa shule hiyo kujiepusha na janga la gonjwa la ukimwi kwa kukataa Lifti na Zawadi kwa watu wasiowafahamu ili kutimiza malengo katika masomo yao.
