VITENDO VYA UDHALILISHAJI VYAONGEZEKA:KAMISHNA HAMAD

Kamishna wa Jeshi la Polisi Zanzibar Hamad Khamis Hamadi akimkabidhi albamu ya tungo njema Sheha wa shehia ya Pongwe Pwani Fatma Faki kwaniaba ya mkuu WA wilaya ya Kati Marina Tomas wakati wa Hafla ya chakula kwaajili ya mayatima ikiwa ni shamrashamra kuelekea siku ya tungo njema ambaya hufanyika Kila mwisho WA mwezi wa septemba kwa Kila mwaka.

Mkurugenzi wa Redio Al-nuor Ali Mkubwa Zubeir akizungumza na wadau wa tungo njema kabla ya kumkaribisha kamishna wa Jeshi la Polisi Zanzibar Khamis Hamad Khamis kuzungumza na hao wakati wa Hafla ya chakula kwaajili ya mayatima ikiwa ni shamrashamra kuelekea siku ya tungo njema ambayo hufanyika Kila mwisho wa mwezi wa Septemba hafla iliyofanyika viwanja vya Skuli ya Pongwe Pwani.

Kamishna wa Jeshi la Polisi Zanzibar Hamad Khamis Hamadi akizungumza na wadau wa tungo njema wakati wa Hafla ya chakula kwa watoto yatima ikiwa ni shamrashamra kuelekea siku ya tungo njema ambayo hufanyika Kila mwisho wa mwezi wa septemba Urowa.

Kamishna wa Jeshi la Polisi Zanzibar Khamis Hamad Khamis (alievaa kanzu) akiwa katika PICHA ya pamoja na Kijana Abdillah mwenye ulemavu wa uoni mwenye kipaji cha kusoma nasheed katika hafla ya chakula kwaajili ya watoto mayatima iliyofanyika Uroa Pongwe Pwani.

Wanafunzi wa Pongwe Pwani wakisoma utenzi wenye maudhui ya kuwaenzi mayatima katika Hafla ya chakula kwaajili ya mayatima ikiwa ni shamrashamra kuelekea siku ya tungo njema ambayo hufanyika Kila mwisho wa mwezi wa septemba.

Wanafunzi wa Skuli ya Dkt Samia wakisoma utenzi wenye maudhui ya kuwatunza mayatima ikiwa ni shamrashamra kuelekea siku ya tungo njema ambayo hufanyika Kila mwisho wa mwezi wa septemba ,hafla iliyofanyika urowa Wilaya ya Kati Mkoa wa Kusini Unguja.

Wasanii wa mashairi Zero kasorobo na daktari wa mashairi wakitoa burudani ya shairi lenye maudhui ya kuwatunza mayatima katika Hafla ya chakula kwaajili ya mayatima ikiwa ni shamrashamra kuelekea siku ya tungo njema ambayo hufanyika Kila mwisho wa mwezi wa septemba

Kamishna wa Jeshi la Polisi Zanzibar Hamad Khamis Hamad akimkabidhi misahafu Mkurugenzi wa Redio Al-nuor Ali Mkubwa Zubeir kwa niaba ya watoto mayatima wakati wa chakula cha mchana ikiwa ni shamrashamra kuelekea siku ya tungo njema ambayo hufanyika Kila ifikapo mwisho wa mwezi wa 9.

Kamishna wa Jeshi la Polisi Zanzibar Hamad Khamis Hamad akiwa na watoto yatima katika chakula cha pamoja kilichoandaliwa na wadau wa mashairi ikiwa ni shamrashamra kuelekea siku ya tungo njema ambayo hufanyika Kila mwisho wa mwezi wa 9,hafla iliyofanyika Viwanja vya Skuli ya Pongwe Pwani.

……

Na fauzia Mussa
Kamishna wa Jeshi la Polisi Zanzibar Hamad Khamis Hamad amesema jamii ya wazanzibari ipo pamoja na watoto mayatima na itaendelea kuwajali ili na wao wajisikie kama watoto wengine.

Akizungumza na wadau wa tungo njema katika hafla ya chakula cha mchana iliyoandaliwa na Redio Al-Nour kwa watoto hao huko viwanja vya Skuli ya Pongwe Pwani , kamishna Hamadi alisema mjumuiko huo umeonesha upendo na kuwatia moyo katika safari yao ya maisha.

Amesema watoto wanakabiliwa na changamoto nyingi hivyo ipo haja kwa jamii kuwasaidia kutatua changamoto zinazowakabili kwa kuwatia moyo na nguvu ya uthubutu wa kufanya maamuzi sahihi ya kuondokana na vikwazo hivyo.

Akizungumzia vitendo vya udhalilishaji kamishna Hamadi amesema jamii bado inakabiliwa na changamoto ya ongezeko la vitendo hivyo hususani ubakaji kwa watoto wenye umri kati ya miaka11 hadi 17,hivyo Jeshi la Polisi litaendelea kuwachukulia hatua kali wahusika wa vitendo hivyo.

Alifafanua kuwa kuongezeka kwa vitendo hivyo ni changamoto kubwa kwa watoto hao inayoleta matokeo mabaya kwa Taifa katika siku za baadae.

Amesema waathirika zaidi wa vitendo vya udhalilishaji ni watoto ambao wanapitia katika kipindi kigumu cha ukuaji kutokana na mabadiliko ya maumbile,mabadiliko ya matumizi ya teknolojia,Habari na mawasiliano na Aina mbalimbali za vishawishi wanavyokabiliana navyo.

Alisema takwimu za Jeshi la Polisi Kwa kipindi cha januari hadi Juni 2023 zinaonesha uwepo wa makosa 463 ya ubakaji dhidi ya 212 kwa kipindi kama hicho kwa mwaka 2022 ikionesha ongezeko la makosa 251.

Aidha amewataka wazazi na walezi kuimarisha ulinzi kwa watoto wao ili wapate nafasi ya kuelekea kwenye kutimiza ndoto za maisha yao ya baadae
Sambamba na hayo Alizitaka TAASISI mbalimbali kujitokeza kutoa nyenzo zinazohitajika,fursa na mifumo ya usaidizi ili kuhakikisha watoto hao wanafikia malengo.

Mkurugenzi wa redio Al- Nour Ali Mkubwa Zubeir amesema washairi wa tungo njema wamekuwa na mchango mkubwa wa kuelimisha jamii kupitia tungo zao, hivyo kwa kutambua mchango wao uongozi wa redio Al- Nour umeweka siku maalum ya washairi hao kuweza kutangaza kazi zao na kujulikana zaidi.

“Sisi redio nuru kwa miaka 13 tumekua tukitumia mashairi yao ,ngonjera na tungo zao katika kuhabarisha,kuelimisha na kuburidisha jamii tukitambua kwamba kazi hio ni ngumu Sana na hatuna cha kuwalipa hivyo umaalum wa siku hii ni kwa kuthamini kazi zao zinazoakisi na harakati za ujenzi wa Taifa “alifafanua.

Aidha alifahamisha kuwa katika kuwajali mayatima Redio Al-Nour kwa kushirikiana na wapenzi pamoja na wadau wa mashairi wameandaa chakula cha mchana kwa Lengo la Kuwafariji watoto hao kuelekea siku ya tungo njema.

Akisoma risala ya washairi wa tungo njema Ali Ngome Ali amesema washairi hao wanakabiliwa na uhaba wa nyenzo na kushindwa kumudu gharama za kutolea kazi zao Kwa kiwango kilicho bora na cha kisasa.

Aliongeza kuwa Mbali na changamoto hizo washairi hao wamefanikiwa kupata umaarufu kupitia redio Al-Nour ambayo inasikika maeneo mbalimbali Bara na Visiwani.

kwa upande wao watoto Walioshiriki katika chakula hicho wamesema wamefarijika kwa Hafla hiyo na kuwataka wadau na wahisani kujitokeza kuwasaidia zaidi katika Nyanja mbalimbali za kimaenedeleo.

hafla ya chakula cha mchana kwa watoto mayatima ni miongoni mwa shamrashamra kuelekea siku ya tungo njema ambayo hufanyika Kila ifikapo Septemba 30 kwa Lengo la kutambua na kuthamini juhudi za wasanii wa tenzi na tungo za mashairi kutokana na mchango mkubwa katika ujenzi wa jamiii iliyobora.