Kocha mpya wa Pamba Jiji Fc Mbwana Makatta (katikati) akisaini Mkataba wa mwaka mmoja baada ya kutambulishwa kuwa kocha wa timu ya Pamba Jiji Fc ,kushoto ni Mkuu wa Mkoa wa Mwanza Amos Makalla kulia ni Katibu tawala Elikana Balandya.
Mkuu wa Mkoa wa Mwanza Amos Makalla akipeana mkono na kocha mpya wa Pamba Jiji Fc baada ya kocha huyo kusaini mkataba wa mwaka mmoja.
……..
Na Hellen Mtereko, Mwanza
Mkuu wa Mkoa wa Mwanza, Amoss Makalla ameshuhudia utiaji saini wa mkataba wa mwaka mmoja kwa kocha mpya wa timu ya Pamba Jiji Fc Mbwana Makatta.
Mkataba huo umesainiwa leo Jumanne Julai 25,2024 katika ukumbi wa mikutano uliopo kwenye ofisi ya Mkuu wa Mkoa wa Mwanza.
Baada ya kusainiwa kwa mkataba huo Makalla ameeleza moja ya kipaumbele chake ni kuendeleza michezo na mwanza kuwa na timu ya ligi kuu.
kwa upande wake Kocha Mbwana Makatta baada ya Kusaini Mkataba huo ameeleza malengo aliyonayo ikiwa ni pamoja na kufanya vizuri kwenye ligi ya Championship huku akiwaomba wakazi wa Jiji la Mwanza kumpa ushirikiano.
Kwa upande wake Meya wa Jiji la Mwanza Sima Constantine Sima, amesema baada ya kukabidhiwa timu hiyo ya Pamba katika himaya yao wanaenda kufanya usajiri mzuri ambao utaifanya timu hiyo kuwa bora katika ligi ya Championship.
Timu ya Pamba Jiji baada ya kusota kwa zaidi ya miaka 20 nakushindwa kufikia malengo ya kupanda ligi kuu Soka Tanzani Bara, timu hiyo kwa sasa ipo kwenye mikono ya Halmashauri ya jiji la Mwanza na jina litakalo tumika kwa timu hiyo ni PAMBA JIJI FC.
