Naibu Waziri, Ofisi ya Rais-TAMISEMI Mhe. Deogratius Ndejembi akizungumza na wananchi wa Peramiho (hawapo pichani), mara baada ya Makamu wa Rais wa Jamhuri ya Muungano wa Tanzania Mhe. Dkt Philip Isdor Mpango kumpatia fursa ya kuzungumza na wanachi wa eneo hilo.
Wananchi wa Peramiho wakimsikiliza Naibu Waziri, Ofisi ya Rais-TAMISEMI Mhe. Deogratius Ndejembi mara baada ya Makamu wa Rais wa Jamhuri ya Muungano wa Tanzania Mhe. Dkt Philip Isdor Mpango kumpatia fursa ya kuzungumza nao.
Makamu wa Rais wa Jamhuri ya Muungano wa Tanzania Mhe. Dkt Philip Isdor Mpango akizungumza na wananchi wa Peramiho (hawapo pichani) mara baada ya kuitembelea Hospitali ya Rufaa ya Peramiho na kuzindua Jengo la kutolea huduma ya usafishaji figo katika hospitali hiyo.
Wananchi wa Peramiho wakimsikiliza Makamu wa Rais wa Jamhuri ya Muungano wa Tanzania Mhe. Dkt Philip Isdor Mpango alipokuwa akizungumza nao mara baada ya kuitembelea Hospitali ya Rufaa ya Peramiho na kuzindua Jengo la kutolea huduma ya usafishaji figo katika hospitali hiyo.
Makamu wa Rais wa Jamhuri ya Muungano wa Tanzania Mhe. Dkt Philip Isdor Mpango akikata utepe kuzindua kituo cha afya Lilambo mara baada ya kukagua ujenzi wa kituo hicho kilichojengwa katika Kijiji cha Kigonsera.
Makamu wa Rais wa Jamhuri ya Muungano wa Tanzania Mhe. Dkt Philip Isdor Mpango akipewa maelezo ya namna mashine ya kutolea huduma ya kinywa na meno inavyofanya kazi wakati akikagua vifaa tiba vilivyopo katika kituo cha afya Lilambo kabla ya kukizindua kituo hicho, kilichojengwa katika Kijiji cha Kigonsera.
Makamu wa Rais wa Jamhuri ya Muungano wa Tanzania Mhe. Dkt Philip Isdor Mpango akipanda mti katika kituo cha afya Lilambo mara baada ya kukikagua na kukizindua kituo hicho, kilichojengwa katika Kijiji cha Kigonsera.
……………………………..
Na: James Mwanamyoto (OR-TAMISEMI)
Naibu Waziri, Ofisi ya Rais-TAMISEMI Mhe. Deogratius Ndejembi amesema, Mhe. Angellah Kairuki ameahidi kuwa Serikali itatoa milioni 500 kwa ajili ya ujenzi wa kituo cha afya Peramiho ikiwa ni utekelezaji wa maelekezo ya Makamu wa Rais, Mhe. Dkt. Philip Isdor Mpango aliyoyatoa mara baada ya Mbunge wa Peramiho Mhe. Jenista Mhagama kuwasilisha ombi la kujengewa kituo cha afya.
Mhe. Ndejembi ametoa ahadi hiyo kwa wananchi wa Peramiho kwa niaba ya Waziri wa TAMISEMI Mhe. Angellah Kairuki, mara baada ya Makamu wa Rais wa Jamhuri ya Muungano wa Tanzania Mhe. Dkt Philip Isdor Mpango kumpatia fursa ya kuzungumza na wananchi hao.
Mhe. Ndejembi amesema kwa heshima na maelekezo ya Makamu wa Rais, fedha hiyo itatolewa mapema iwezekanavyo ili kuwezesha ujenzi wa kituo cha afya ambacho kitaboresha utoaji wa huduma za afya kwa jamii.
Ujenzi wa kituo hicho cha afya unatokana na jitihada za Serikali ya Awamu ya Sita ya Mhe. Dkt. Samia Suluhu Hassan pamoja na Mbunge wa Peramiho Mhe. Jenista Mhagama ambaye amekuwa mstari wa mbele katika kutatua changamoto zinazowakabili wananchi wake,” Mhe. Ndejembi amesisitiza.
Ameongeza kuwa, Rais wa Jamhuri ya Muungano wa Tanzania Mhe. Dkt. Samia Suluhu Hassan hivi karibuni ataleta gari mbili za kubebea wagonjwa katika Halmashuri ya Wilaya ya Songea, ikiwa ni sehemu ya muendelezo wa maboresho ya utoaji wa huduma za afya katika Hamashauri hiyo.
Aidha, Mhe. Ndejembi amesema kuwa mafanikio ya Mhe. Rais Dkt. Samia Suluhu Hassan Wilayani Songea na katika maeneo mengine yanajianisha wazi kupitia kukamilika kwa ujenzi wa miundombinu ya barabara, afya elimu ya awali, msingi na sekondari.
