Na Brown Jonas
Makatibu Wakuu wa Wizara za Utamaduni, Sanaa na Michezo, Wizara ya Elimu Sayansi na Teknolojia na Ofisi ya Rais Menejiment ya Utumishi wa Umma na Utawala Bora leo Juni 8, 2023 Mtumba Jijini Dodoma, wamekutana kujadili maendeleo ya lugha ya Kiswahili na michezo.
Makatibu Wakuu hao ni Bw. Saidi Yakubu wa Wizara ya Utamaduni, Sanaa na Michezo, Katibu mkuu Wizara ya Elimu Sayansi na Teknolojia Prof. Caroline Nombo, Naibu Katibu Mkuu Ofisi ya Rais menejimenti ya Utumishi wa Umma na Utawala Bora Bw. Xavier Daudi pamoja na baadhi ya Wataalamu kutoka wizara hizo.
Kikao hicho kimelenga kuweka mipango na jitihada za pamoja za kukuza na kubidhaisha Kiswahili nje ya Tanzania.
Aidha, wamejadili juu ya kuboresha maendeleo ya michezo nchini kwa kuangalia changamoto zinazowakabili wahitimu wa chuo cha maendeleo ya michezo Malya.
