Waziri wa Utamaduni, Sanaa na Michezo Mhe. Balozi Dkt. Pindi Chana (Mb) akikabidhi Kombe kwa timu ya Fountain Gate baada ya kutwaa Ubingwa wa Kombe la Mashindano ya Soka kwa Shule za Afrika Mashariki na Kati (CECAFA), baada ya kuifunga timu ya Awaro kutoka Ethiopia, magoli 3 kwa 0 katika mechi iliyochezwa Uwanja wa Azam Complex,Chamazi,Dar es Salaam.
**************
Waziri wa Utamaduni, Sanaa na Michezo Mhe. Balozi Dkt. Pindi Chana leo Februari 19, 2023 ameshuhudia timu ya Fountain Gate ikitwaa Ubingwa wa Kombe la Mashindano ya Soka ya Shule kwa Nchi za Afrika Mashariki na Kati CECAFA umri chini ya miaka 15, baada ya kuifunga timu ya Awaro kutoka Ethiopia, mechi iliyochezwa katika Uwanja wa Azam complex.
Fountain Gate wameibuka Bingwa baada ya kuichapa Awaro magoli 3 – 0.
Mechi hiyo imeshuhudiwa pia na Katibu Mkuu wa Wizara Bw. Saidi Yakubu Rais wa Shirikisho la Mpira wa Miguu Wallace Karia na Kaimu Mkurugenzi wa Idara ya Maendeleo ya Michezo Ally Mayay.
