………………………..
Mamlaka ya Hali ya Hewa Nchini Tanzania-TMA imeendelea kutoa angalizo la uwepo wa vipindi vya Mvua Kubwa zinazotarajiwa kunyeesha katika usiku wa Leo na kesho.
Kwa mujibu wa taarifa ambayo imetolewa na Mchambuzi wa Hali ya Hewa TMA Joyce Makwata wakati akielezea vipindi vya Mvua zinazoendelea kunyeesha nchini amesema kuwa Mikoa inayotarajiwa kupata Mvua Hizo ni Kigoma,Katavi pamoja na Rukwa.
Makwata amesema kuwa athari zinazotarajiwa kujitokeza ni pamoja na makazi kuzungukwa na maji na ucheleweshwaji wa baadhi ya shughuli za kiuchumi na usafirishaji.
Hata hivyo Mamlaka hiyo imewashauri wananchi kuendelea kuchukua hatua stahiki Ili kupunguza athari zinazoweza kujitokeza.
