NAIBU WAZIRI NDEJEMBI AZINDUA RASMI UUZAJI WA HISA ZA “FAIDA FUND”

Naibu Waziri Ofisi ya Rais Utumishi na Utawala Bora, Deogratius Ndejembi, Mwenyekiti wa Bodi ya Wakurugenzi Shirika la Watumishi Housing Ivestiment Hosea Kashimba na Mkurugenzi Mtendaji wa Watumishi Housing Dkt. Freddy Msemwa kwa pamoja Leo wakikata utepe kuzindua rasmi uuzaji wa vipande vya hisa za mfuko wa Faida Fund Kutoka shirika la Watumishi Housing Investment Katika hafla iliyofanyika kwenye ukumbi wa Kisenga Makumbusho jijini Dar es Salaam.

…………………………………

Naibu Waziri Ofisi ya Rais Utumishi na Utawala Bora, Deogratius Ndejembi amewataka watanzania wakiwemo watumishi wa umma kujiepusha na uwekezaji usio salama ikiwemo upatu usio rasmi pamoja na upatu wa mitandaoni na badala yake kutumia mifuko rasmi ya uwekezaji ya serikali ili kuepukana na janga la kutapeliwa kisha kupoteza vipato walivyo navyo.

Waziri Ndejembi ameyasema hayo leo jijini Dar es alaamu wakati akizindua mauzo ya awali ya hisa katika mfuko wa uwekezaji unao milikiwa na Watumishi Housing Investment “Faid Fund” ambapo amesema kumeibuka wimbi la watanzania wengi kulalamikia utapeli kupitia mitandao jambo ambalo linatokana na wengi wao kuwekeza katika sehemu hatarishi kama upatu usio rasmi ambao unepelekea kutapeliwa kwa wananchi wengi.

Kwa upande wa Mkurugenzi Mtendaji wa Watumishi Housing Dkt. Freddy Msemwa amesema mfuko huo wa Faida Fund umelenga kujumuisha pia makundi yasiyo rasmi katika uwekezaji kupitia vipato vidogo vidogo nje ya uwekezaji katika hati fungani za serikali ambao umekuwa ukitumika na watu wenye vipato vya kati na juu.

Naibu Waziri Ofisi ya Rais Utumishi na Utawala Bora, Deogratius Ndejembi, Mwenyekiti wa Bodi ya Wakurugenzi Shirika la Watumishi Housing Ivestiment Hosea Kashimba na Mkurugenzi Mtendaji wa Watumishi Housing Dkt. Freddy Msemwa kwa pamoja viongozi wengine wa taasisi wakiwa katika picha ya pamoja mara baada ya kuzindua uuzaji wa hisa hizo.

Naibu Waziri Ofisi ya Rais Utumishi na Utawala Bora, Deogratius Ndejembi akizungumza katika hafla hiyo yz uzinduzi.

Picha ya pamoja.

Mkurugenzi Mtendaji wa shirika la Watumishi Housing Investment hilo Dkt. Freddy Msemwa akizungumza wakati akimkaribisha mwenyekiti wa bodi ili kuzingumza katika hafla hiyo.

Mwenyekiti wa Bodi ya Wakurugenzi Shirika la Watumishi Housing Ivestiment Hosea Kashimba akimkaribisha Naibu Waziri Ofisi ya Rais Utumishi na Utawala Bora, Deogratius Ndejembi ili kuzungumza na kuzindua rasmi uuzaji wa hisa hizo.

Picha mbalimbali zikionesha wadaumbalimbali walioshiriki katika uzinduzi huo.