Bw. Alex Msama Mkurugenzi wa Kampuni ya Msama Promotion inayoandaa Tamasha la Shukurani akizungumza na waandishi wa habari ofisini kwake Kinondoni jijini Dar es salaam wakati akitangaza mabadiliko ya tarehe ya kufanyika kwa tamasha hilo ambalo sasa litafanyika Oktoba 31 badala ya Oktoba 3, 2021.
Bw. Alex Msama Mkurugenzi wa Kampuni ya Msama Promotion inayoandaa Tamasha la Shukurani akimsikiliza mwimbaji wa nyimbo za injili Edson Mwasabwite wakati akizungumza katika mkutano huo uliofanyika ofisini kwake Kinondoni jijini Dar es salaam wakati akitangaza mabadiliko ya tarehe ya kufanyika kwa tamasha hilo ambalo sasa litafanyika Oktoba 31 badala ya Oktoba 3, 2021.
……………………………………
MUANDAAJI wa Tamasha la Shukurani, kutoka kampuni ya Msama Promotion Bw. Alex Msama’ametangaza mabadiliko ya tamasha hilo na kutaja tarehe rasmi ya tamasha hilo.
Akizungumza na waandishi wa habari, amesema kuwa kilicho badilika ni tarehe ambayo tamasha hivyo itafanyika tarehe
Oktoba 31 mwaka huu na sio Oktoba 3 kama ambavyo alikuwa amesema awali.
“Mashabiki wakae mkao wa kula kwani tumejipanga vizuri na wasanii mbalimbali wakubwa wataimba live,” alisema Msama.
Pia waandaaji wa tamasha hilo Msama Promotion wameahidi kufanya tamasha la kihistoria, kutakuwa na wasanii mbalimbali akiwemo Upendo Nkone na wengine wengi.
Hata hivyo Msama ameeleza kuwa tamasha hilo lipo kwa ajili ya kusifu na kuabudu huku burudani ikiwa ni sehemu ya kuwaeka karibu watu wa Mungu kutoka sehemu mbalimbali nje na ndani ya Mji wa Dar es salaam kwani tamasha hilo litafanyika katika uwanja wa uhuru jijini Dar es salaam.
