Na Silivia Amandius Kagera.
Taasisi ya Tanzania Official Seed Certification Institute (TOSCI) imeitaka sekta binafsi kuongeza uwekezaji katika uzalishaji wa mbegu bora katika mikoa ya Kanda ya Ziwa, ikiwemo Kagera Region, kutokana na uwepo wa hali ya hewa inayofaa kwa shughuli za kilimo.
Wito huo umetolewa na Mkurugenzi Mkuu wa TOSCI, Nyasebwa Chimagu, alipokuwa akitembelea shamba la uzalishaji wa mbegu la Kahama Fresh lililopo wilayani Karagwe District.
Amesema kuwa uwekezaji katika sekta ya mbegu utasaidia kupunguza gharama za uzalishaji kwa wakulima pamoja na kuongeza upatikanaji wa mbegu bora, hali itakayochochea ukuaji wa sekta ya kilimo nchini.
Aidha, Dkt. Chimagu amebainisha kuwa uwezo wa sasa wa nchi kuzalisha mbegu ni tani 79,000 huku mahitaji halisi yakiwa tani 127,000, jambo linaloonyesha bado kuna pengo kubwa linalohitaji kuzibwa kupitia uwekezaji zaidi.
Ameongeza kuwa kwa sasa Tanzania inazalisha takribani asilimia 80 ya mahitaji ya mbegu, na kwamba kuongezeka kwa wawekezaji kutasaidia kupunguza utegemezi wa kuagiza mbegu kutoka nje ya nchi.
Kwa upande wake, Meneja Msaidizi wa Kahama Fresh, Oswald Sylivester, amesema kampuni hiyo kwa sasa imepanda mbegu katika hekari 500 na inalenga kufikia hekari 1,000, huku changamoto kubwa ikiwa ni mabadiliko ya tabianchi yanayosababisha mvua zisizotabirika, hali inayowalazimu kutumia mifumo ya umwagiliaji.
