NJOMBE,
Mbunge wa Jimbo la Njombe Mjini Doe Mwanyika ameandaa na kushiriki dua Maalum ya kumuombea Rais wa Jamhuri ya Muungano wa Tanzania Dkt. Samia_suluhu_hassan ambayo imefanyika katika Msikiti wa mkoa wa Masjid Madinah .
Ukiachana dua mbunge huyo Amefuturisha pia waumini wa dini hiyo huku pia akiwataka kuendelea kutenda Mambo yampendezayo mungu na kumuombea Rais afya njema na utekelezaji mwema wa Majukumu ya taifa.
Sheikh wa mkoa wa Njombe Rajab Msigwa amesema suala la kuwaombea dua viongozi ni muhimu kwani wanafanya kazi kubwa ya kuwatumikia wananchi na kuleta maendeleo katika nchi.
Kwa upande wa mgeni Rasmi akimwakilisha Mkuu wa Mkoa wa Njombe Juma Sueda amewataka Watanzania kuendelea kudumisha amani na kuwaombe viongozi wa serikali hasa Rais Dkt. Samia huku Mkuu wa Wilaya ya Njombe Kissa Gwakisa Kasongwa amepongeza hatua ya Mbunge kuandaa Dua na Iftar Maalumu.
