Mkaguzi Kata ya Igamba Mkaguzi Msaidizi wa Polisi John Namayala amewakumbusha Wazazi na Walezi kuwafuatilia watoto wao kama wanavyofuatilia mechi za mataifa ya Afrika AFCON2023 yanayoendelea nchini Ivory Coast (Côte d’Ivoire) na Tanzania inashiriki mashindano hao nchini humo.
Kauli hiyo ilitolewa Januari 19, 2024 katika uwanja wa Shule ya Msingi Mwanda Kijiji cha Wantanda Wilayani Mbozi alipohudhuria kuangalia mechi ya Yank Star na Mapinduzi Fc iliochezwa Kijijini hapo na kuwakuta watoto waliokuwa wanafuatilia mechi hiyo wamepanda juu ya miti hali ambayo ni hatari kwa uhai wao.
“Wazazi/Walezi tumekuwa na mwamko mkubwa katika kufuatilia michezo hususani AFCON2023, sasa basi mwamko huko tuugeuzie kwa watoto wetu kwa kuwafuatilia kwa karibu mienendo ya michezo yao kwani katika michezo hiyo ucheza michezo hatarishi ambayo inaweza kuwasababishia ulemavu au kifo” alisema Mkaguzi Namayala.
