Na Mwamvua Mwinyi, Kibaha
Mwenge wa Uhuru umeingia Halmashauri ya Mji Kibaha kutokea Kibaha Vijijini, ambapo utapitia miradi 12 yenye thamani ya Tsh.Bilioni 3.9.
Miradi hiyo imetekelezwa kwa fedha toka sehemu mbalimbali ambapo Tsh.520,297,499.98 ni mchango wa Halmashauri .
Mwenyekiti wa Sherehe za Mwenge Halmashauri ya Mji Kibaha ambaye ni Mkuu wa Wilaya hiyo ,Nickson Simon alieleza ,sh.683,710,900 zimetoka Serikali kuu huku Tsh.2,405,097,550 zikigharamiwa na Wananchi na wahisani wakitumia kiasi cha Tsh.293,350,000.00.
Kiongozi wa mbio za Mwenge Kitaifa mwaka huu Abdallah Shaib amesisitiza kutunza Mazingira na Vyanzo vya maji.
Pia alikemea tabia ya unyanyapaa kwa wenye virus vya Ukimwi na kuwaasa wananchi kujilinda na maambukizi mapya ya Ukimwi kwa kuwa waaminifu na kutumia kinga.
