LICHA ya kushindwa kutinga hatua ya nusu Fainali ya klabu bingwa Afrika timu ya Simba sc imeondolewa kiume baada ya kumkimbiza sana Mwarabu katika uwanja wake wa Mohamed V nchini Morocco.
Simba SC imeshindwa kusonga mbele kwa kutolewa kwa mikwaju ya Penalti kwa kufungwa 4-3.wachezaji waliokosa kwa upande wa Simba ni Clatous Chama na Shomari Kapombe.
Katika dakika 90 Simba SC ilifungwa bao 1_0 lililofungwa na Mshambuliaji Bouly Sambou dakika ya 24 na kufanya matokeo kuwa 1_1 kwani mchezo wa kwanza Simba ilishinda bao 1_0 uwanja wa Benjamin Mkapa jijini Dar es Salaam.
Sasa Simba SC itarejea nchini na kuwekeza nguvu zake katika Michezo ya Ligi Kuu ya NBC Tanzania bara na Kombe la Azam Sports Federation Cup ambapo watacheza mchezo wa Nusu Fainali katika uwanja wa Nangwanda Sijaona Mjini Mtwara.
