**********************
Na Shamimu Nyaki
Waziri wa Utamaduni, Sanaa na Michezo Mhe. Balozi Dkt. Pindi Chana ameshuhudia Klabu ya Dar es Salaam Young Africa (Yanga) ikiibuka kidedea kwa ushindi wa magoli 3 kwa 1 dhidi ya Timu ya TP Mazembe ya nchini Kongo.
Ikumbukwe kuwa, Rais wa Tanzania Mhe Dkt. Samia Suluhu Hassan ameahidi kutoa zawadi ya Shilingi Milioni 5 kwa timu ya Yanga kwa kila goli watakalofunga, ambapo timu ya Yanga imebeba zawadi ya Shilingi Milioni 15.
Mchezo huo wa Kombe la Shirikisho Barani Afrika umeshuhudiwa pia na Naibu Waziri wa Wizara hiyo Mhe. Pauline Gekul, Katibu Mkuu Saidi Yakubu, baadhi ya Viongozi wa Serikali, Klabu ya Yanga na wapenzi wa Soka nchini.
