**************************
Mwamvua Mwinyi,Pwani
Mkuu wa Mkoa wa Pwani, alhaj Abubakar Kunenge amesema ,Zoezi la sensa linakwenda vizuri huku akitoa Rai kwa wananchi ambao bado hawajafikiwa kuvuta subira kwani makarani watafika bila shaka .
Kunenge ameweza kupata fursa ya kuhesabiwa nyumbani kwake Kibaha.
Akizungumza na Karani wa Sensa, Bi. Anna Robert Kanyawawa wakati alipokuwa akihesabiwa katika Makazi yake Kibaha tarehe 23 Agosti, 2022 kwenye Sensa ya Watu na Makazi amewaomba wananchi waendelee kuwapa ushirikiano makarani ili kupata taarifa sahihi, itakayosaidia kupanga mipango ya maendeleo .
