Mkuu wa Jeshi la Polisi Nchini IGP Simon Sirro akikagua uimara wa moja ya madirisha ya chumba cha mahabusu katika mradi wa kituo kikuu cha Polisi chenye hadhi ya daraja A kilichopo Kigamboni ambao ujenzi wake hadi sasa umefikia katika hatua ya umaliziaji ili kiweze kutoa huduma kwa wananchi. Picha na Jeshi la Polisi
*************************
11/07/2022 DAR ES SALAAM
Mkuu wa Jeshi la Polisi nchini IGP Simon Sirro amefanya ziara ya kushtukiza kwa kukagua Mradi wa ujenzi wa upanuzi wa jengo la hospitali ya rufaa ya Polisi na Ujenzi wa kituo kikuu cha Polisi daraja A cha wilaya ya kigamboni na kuridhishwa na kasi ujenzi wa majengo hayo .
Akiwa kwenye ukaguzi huo jijini Dar es salaam IGP Sirro pia ameelekeza makamanda waliopewa dhamana kuhakikisha wanasimamia fedha za umma na kuonyesha thamani ya fedha hiyo kwa kukamilisha miradi hiyo kwa wakati unaokusudiwa hili jamii iweze kupata huduma kwa urahisi.
