MAFINGA, IRINGA
Mkuu wa Jeshi la Polisi Nchini IGP Simon Sirro amefika na kukagua eneo ilipotokea ajali iliyosababisha vifo pamoja na majeruhi kadhaa ambao wanaendelea kupatiwa matibabu katika hospitali ya mkoa wa Iringa.
Akiwa Mafinga mkoani Iringa IGP Sirro amewataka wamiliki wa magari yanayobeba abiria kuhakikisha wanakuwa na leseni inayowaruhusua kufanya biashara hiyo sambamba na kuwataka madereva wa vyombo vya moto kuzingatia kanuni na sheria za usalama barabarani kwa lengo la kuepusha ajali zinazoweza kujitokeza na kusababisha madhara ikiwemo vifo na majeruhi.
Katika hatua nyingine IGP Sirro amewatembelea majeruhi wanaopatiwa matibabu katika hospitali ya mkoa wa Iringa na kuwapa pole kufuatia ajali waliyoipata.
