********************
Na Silvia Mchuruza.
Bukoba,Kagera.
Watumishi kutoka Mamlaka ya majisafi na usafi wa mazingira shinyanga wakiwa kwenye ziara ya kutembelea Mamlaka ya majisafi na usafi wa Mazingira Bukoba.
Watumishi hao wametembelea Mamlaka ya majisafi Bukoba leo 03/06/2022 kwa lengo la kubadilishana uzoefu na kupeana mbinu mbalimbali za kutekeleza majukumu ya kila siku ili kuboresha utendajikazi na kuhakikisha wananchi wanapata huduma ya majisafi .
Aidha Mkurugenzi Mtendaji wa Mamlaka ya maji safi Bukoba aliwataka Watumishi hao kufanyakazi kwa bidii na kujituma na kuhakikisha wanafanyakazi kwa weledi na kutojihusisha na vitendo vya rushwa.
Mbali na hayo Watumishi hawa walipata fursa ya kubadilishana uzoefu wa namna wanavyotatua changamoto zinazojitokeza kwenye dira za maji ,utekelezaji wa miradi mbalimbali, suala la utunzaji wa mazingira pamoja na maji yanayopotea.
Vilevile waliweza kutembelea chanzo kikuu na mtambo wa kutibu maji kilichopo Bunena .
