**********************
Timu ya maafisa kutoka Wizara ya Utamaduni, Sanaa na Michezo, Wizara ya Maliasili na Utalii pamoja na Shirika la Hifadhi za Taifa Tanzania (TANAPA) ambao ni wasimamizi wa Kituo cha Makumbusho ya Dkt. Livingstone kilichopo Ujiji Kigoma, Machi 26, 2022 imeanza kazi ya kutekeleza maagizo ya Makamu wa Rais Dkt. Philip Mpango ya kuangalia namna bora ya kutatua changamoto zake na kukiendeleza kituo hicho.
Timu hiyo inaongozwa na Mkurugenzi Msaidizi Idara ya Maendeleo ya Utamaduni kutoka Wizara ya Utamaduni, Sanaa na Michezo ambaye anasimamia Maendeleo ya Lugha Dkt. Mnata Resani (aliyevaa kaunda nyeusi).
