Na Mwamvua Mwinyi, Kibaha
Diwani Viti Maalum, jimbo la Kibaha Lydia Mgaya amewataka watanzania kumuonyesha upendo wa dhati na kumuunga mkono katika utendaji wake wa kazi za kuongoza nchi, Rais Samia Suluhu Hassan .
Alitoa rai na salamu za Valentine wakati akizungumza na waandishi wa habari huko mjini Kibaha.
Lydia alisema kinachomfurahisha zaidi kwa Rais Samia kujiamini ,kitendo ambacho kinawapa nguvu wanawake wengine kujiamini na kuacha kukaa nyuma .
Akizungumzia ujenzi wa madarasa ya shule za msingi na sekondari nchi nzima Lydia amesema “tulikuwa tunaona jinsi Wanafunzi walikuwa wakibanana madarasani lakini yeye ametukomboa kwa kujenga madarasa 15,000 ambapo sasa hakuna kero hiyo wala hakuna anayekosa vipindi kwasababu ya ukosefu wa madarasa.
Alisema madarasa hayo yamejengwa vizuri na kwa kasi ya ajabu ambapo kwa muda wa mwezi mmoja madarasa yamekamilika.
Kwa upande wa kuwawezesha Kundi la Wasanii nchini alisema fedha tayari zimeingizwa kwenye akaunti ya wasanii sambamba na mikopo ya halmashauri kwaajili ya kundi la Kinamama, vijana na walemavu.
Alisema yeye ameona aelekeze salamu zake kwa Mheshimiwa Rais Samia kwani ni Rais anayewapenda watanzania wote “Ni Rais mwenye moyo wa upendo kwa Watanzania wote na anajali kila mmoja habagui masikini wala tajiri wakubwa kwa wadogo tumeona kwa macho yetu”
“Tumeona Rais Samia anapambana kwa ajili yetu watanzania na hasa ukizingatia ni Rais wa kwanza mwanamke mwenye juhudi ya maono kwa taifa letu kama yeye katika Afrika mashariki yote”
