Vinara wa Ligi Kuu ya NBC Tanzania bara timu ya Yanga imeshindwa kutamba nyumbani baada ya kulazimishwa sare ya bila kufungana na Mbeya City mchezo uliopigwa uwanja wa Benjamin Mkapa jijini Dar es Salaam.
Sare hiyo inawapelekea Yanga kuanza kupunguzwa kasi za mbio za Ubingwa wa Ligi na kwa Matokeo hayo Yanga wamefikisha Pointi 36 na kubaki nafasi ya Kwanza huku watani zao Simba wapo nafasi ya pili wakiwa na Pointi 28.
Matokeo mengine Kagera Sugar wameutumia vyema uwanja wao wa Kaitaba mjini Bukoba kwa kuichapa Coastal Union mabao 2-1 na katika uwanja wa Chamazi Complex Azam wenyeji KMC wameshindwa kutamba dhidi ya Biashara United kutoka Mara kwa kufungana bao 1-1.
