KAMATI YA SIASA YA CHAMA CHA MAPINDUZI NJOMBE YAGEUKIA KWENYE TAALUMA

********************************

NJOMBE

Kamati ya Siasa ya Chama Cha Mapinduzi CCM Mkoa wa Njombe imeagiza Ifikapo Septamba 15 Mwaka Huu Ujenzi wa Madarasa Mawili Katika Shule ya Msingi Ibumila Halamshauri ya Wilaya ya Njombe Uwe Umekamilika Ili Wanafunzi Waanze Kuyatumia.

Katika Ziara ya Kukagua Utekelezaji wa Ilani ya Uchaguzi Mkuu Inayofanyika na Kamati Hiyo Mwenyekiti wa CCM Mkoa wa Njombe Mzee Jasely Mwamwala Ametaka Kukamilishwa Haraka na Kwa Ubora Kwa Ujenzi wa Madarasa Hayo Yenye Thamani ya Shilingi Milioni 40.

Taarifa ya Ujenzi wa Madarasa Hayo Iliyosomwa na Mwalimu Mkuu wa Shule ya Msingi Ibumila Mwalimu Razalo Mtemela Amesema Endapo Ujenzi Huo Utakamilika Basi Utasaidia Sana Kupunguza Msongamano wa Wanafunzi Madarasani.

Sanjari na Mradi wa Madarasa Hayo Lakini Pia Kamati Hiyo Imetembelea na Kukagua Ujenzi wa Zahanati ya Ibiki Katika Kata ya Igongolo Huku Mkuu wa Mkoa wa Njombe Mhandisi Marwa Rubirya Akitaka Fedha za Serikali na Michango ya Wananchi Zitekeleze ujenzi Huo Kwa Weledi Mkubwa.