Home Mchanganyiko RC TABORA ATOA ANGALIZO KWA WATOA HUDUMA WA CHANJO

RC TABORA ATOA ANGALIZO KWA WATOA HUDUMA WA CHANJO

0

MKUU wa Mkoa wa Tabora Balozi Dkt Batilda Buriani akitoa hotuba leo wakati wa uzinduzi wa awamu ya kwanza ya utoaji wa chanjo ya UVIKO  19

 Katibu Tawala Mkoa wa Tabora Msalika  Makungu alitoa maelezo ya utangulizi leo wakati wa uzinduzi wa awamu ya kwanza ya utoaji wa chanjo ya UVIKO  19 kwa mkoa huo.

Baadhi ya viongozi wa siasa, dini na Kamati za Usalama wakiwa katika uzinduzi wa awamu ya kwanza ya utoaji wa chanjo ya UVIKO  19 kwa Mkoa wa Tabora uliofanyika leo,

Baadhi ya wajumbe wa Kamati ya usalama wakiwa katika uzinduzi wa awamu ya kwanza ya utoaji wa chanjo ya UVIKO  19 kwa Mkoa wa Tabora uliofanyika leo,

Baadhi ya viongozi wa dini , siasa na wale  wajumbe wa Kamati ya usalama wakiwa kimya kumuombea Waziri wa Ulinzi aliyefariki usiku wa kumakia leo .Viongozi hao walikuwa katika uzinduzi wa awamu ya kwanza ya utoaji wa chanjo ya UVIKO  19 kwa Mkoa wa Tabora uliofanyika leo,

MKUU wa Mkoa wa Tabora Balozi Dkt Batilda Buriani akipata maelezo mafupi leo kabla ya kushiriki  chanjo ya UVIKO  19

Katibu Tawala Mkoa wa Tabora Msalika Makungu (kulia)  akipitia  maelezo katika fomu leo kabla ya kushiriki  chanjo ya UVIKO  19

MKUU wa Mkoa wa Tabora Balozi Dkt Batilda Buriani (aliyekaa)  akipata  chanjo ya UVIKO  19 leo wakati wa uzinduzi Kimkoa.

Katibu Tawala Mkoa wa Tabora Msalika Makungu (aliyekaa) akipata akipata  chanjo ya UVIKO  19 leo wakati wa uzinduzi Kimkoa.

Mshauri wa Jeshi la Akiba Mkoa wa Tabora Kanali Musa Simengwa  (aliyekaa) akipata akipata  chanjo ya UVIKO  19 leo wakati wa uzinduzi Kimkoa.

Picha na Tiganya Vincent

****************************

NA TIGANYA  VINCENT

MKUU wa Mkoa wa Tabora Balozi Dkt Batilda Buriani amewataka wafanyakaziwa sekta ya afya waliopewa jukumu ya kuendesha zoezi la kutoa chanjo ya UVIKO 19 kuwa waadilifu na kufanyakazi kwa uzalendo.

Ametoa kauli hiyo leo wakati wa uzinduzi wa utoaji wa chanjo ya UVIKO kwa makundi mbalimbali iliyofanyika Kimkoa mjini Tabora.

“Naelekeza pia kwa huu mgao wa COVAX FACILITY ni marufuku Hospitali yoyote (ya umma au binafsi) kulipisha Wananchi gharama yoyote katika zoezi hili la chanjo na lifanyike kwa uadilifu na kwa haki kwa walengwa wa sasa” amesisitiza

Balozi Dkt Batilda Buriani amesema kuwa chanjo hiyo kwa sasa zinatolewa kwa kufuata vipaumbele vya makundi yenye uhitaji mkubwa ambayo ni Watumishi wa sekta ya Afya, watu wazima wenye umri wa miaka 50 na kuendelea na  watu wenye magonjwa sugu.

Amesema uchanjaji kwa makundi yote nchini ni wa hiari au huru kwa kila mwananchi.

Balozi Dkt, Batilda amesema Tabora imepata kiasi cha chanjo 30,000 ambazo zitatoa  fursa kwa Wananch ambao wako tayari kuchanjwa kupunguza kasi ya maambukizi ya ugonjwa wa COVID-19 pamoja na kupunguza hatari ya kupata ugonjwa na madhara makubwa endapo mtu atapata maambukizi.

Amesema kwa Mkoa wa Tabora tunaanza rasmi utoaji wa chanjo ya UVIKO-19 leo tarehe 03 Agosti 2021 katika vituo vilivyoainishwa katika Mkoa ambavyo ni vituo vitatu (3) kwa kila Halmashauri na kufanya Mkoa wa Tabora kuwa na jumla ya vituo 24.

Mganga Mkuu wa Mkoa wa Tabora (RMO) Dkt. Honoratha Rutatinisibwa amewataka watu waliochanja kuendelea kuchukua hatua za kujikinga na UVIKO 19.

Amesema katika nchi ambazo wamechanjwa wamepunguza vifo na kulaza wagonjwa.

Kwa upande wa Askofu wa Kanisa la Anglikana Dkt. Elias Chakupewa ameitaka jamii kuacha upotoshaji kuhusu chanjo badala yake waendelee kuwatia moyo wataalamu.