KATIBU wa Chama Cha Mapinduzi (CCM), wa Mkoa wa Dar es Salaam, Shaibu Akwilombe, akizungumza na Baraza la Wazee la Mkoa huo, wakati wa hafla ya kujitambulisha, jana. Kuroka kushoto ni Katibu wa baraza hilo, Mohammed Mtulia, Mwenyekiti wa Baraza mkoani humo, Hemmed Mkali na Mwenyekiti wa CCM wa Mkoa wa Dar es Salaam, Kate Kamba.
**************************
Na CHRISTOPHER LISSA
BARAZA la Wazee la Mkoa wa Dar es Salaam, limembariki Katibu wa Chama Cha Mapinduzi (CCM) wa mkoa huo, Shaibu Akwilombe na kuahidi kumpa ushirikiano wa kutosha.
Hayo yamesemwa wakati wa hafla ya Akwilombe kujitambulisha kwa wazee hao , jijini Dar es Salaam, ambapo baraza lilimhakikishia ushirikiano katika kukijenga chama.
Akizungumza kwa niaba ya wazee wa mkoa huo, Mwenyekiti wa baraza hilo, Mohammed Mkali, alisema hata kabla ya Akwilombe kujitambulisha, wazee mkoani humo wameridhishwa na kasi ya utendaji wake aliyoanza nayo.
“Tunaomba uendelee na kasi hiyo. Wazee tuko pamoja na wewe katika kutekeleza Ilani ya CCM na kumsaidia Rais Samia Suluhu Hassan katika kutekeleza Ilani hiyo,”alisema Mkali.
Kwa upande wake Akwilombe, aliahidi kushirikiana na wazee hao na kwamba Baraka zao zinamfanya kupata faraja ya kuendeleza mapambano katika kukipigania Chama.
