*************************
NA EMMANUEL MBATILO
Klabu ya Simba SC imefanikiwa kusonga mbele hatua ya nusu fainali baada ya kutembeza kichapo cha mabao 3-0 dhidi ya Dodoma Jiji katika kombe la Azam Federation Cup maalufu kama FA.
John Bocco ameendelea kuwa mwiba kwa wapinzani baada hii leo kupachika mabao mawili kwenye mchezo huo ambao ulipigwa katika dimba la Benjamini Mkapa Jijini Dar es Salaam.
Bocco alipachika bao la kwanza dakika ya 23 ya mchezo na bao la pili alilifunga mnamo dakika ya 41 kipindi cha kwanza na kwenda mapumziko Simba SC ikiwa mbele kwa mabao 2-0.
Simba sc iliendelea kuonesha kuhitaji mabao mengi mara baada ya mastaa wao kukosa kutikisa nyavu za Dodoma Jiji ambapo baadae dakika 78 ya mchezo Meddie Kagera akipachika bao la tatu na kuipeleka moja kwa moja timu hiyo kufuzu hatua inayofuata.
