************************************
SERIKALI imeahidi kutoa ushirikia kufanikisha Pambano la Masumbwi kati ya Mabondia Mahiri Nchini Twaha Kiduku na Dulla Mbabe litakalofanyika 24July2021 Jijini Dar es Salaam.
Hayo yalisemwa na Katibu Mkuu wa Wizara ya Habari Utamaduni Sanaa na Michezo Dk Hassan Abbas wakati wa Futari kwa Mabondia iliyoandaliwa na Wakala wa Michezo wa PeakTime jijini Lugalo Jijini Dar es Salaam.
” hili tunalibeba hakuna kusubiri na natoa wito kwa wadhamini kujitokea kutumia nafasi hii kujitangaza kwa kuleta maslahi kwa washiri. Alisema Dk Abbas.
Aliongeza kuwa mbali na kutoa ushirikiano pia aliahidi kufikisha ombi kwa Waziri Mkuu Mh Kassim Majaliwa kuwa mgeni rasmi katika pambano hilo.
Kwa upande Mwingine alisema wameanza kutenga fedha kidogo kidogo ili kusaidi wanamichezo wanaosafiri nje ya nchi kuwakilisha Taifa.
Upande wake Mwakilishi wa Peaktime walioandaa Futari hiyo Kapteni Selemani Semunyu alisema maandalizi kuelekea Pambano hilo yako sawa na uwepo wa Waziri mkuu utaupa hadhi mchezo na kufungua fursa nyingi kwa wachezaji ambao wengi hutoka familia duni.
Tunaendelea kutafuta Wadhamini ili ikifanikiwa Waziri Mkuu aje kukabidhi gari zawadi ambayo tunaamini itakuwa chachu katika Mchezo huo na tunaamini wadhamini watajitokeza. Alisema Kapten Semunyu.
Kwa Upande wake Mwakilishi wa
Kamisheni ya Kusimamia ngumi za kulipwa Tanzania TPBRC Yahaya Poli ameipongeza Peaktime na kuwaomba wadau wengine kuiga mfano huo kwani unaipa heshima tasnia.
Kwa upande wake Mwakilisho wa Mabondia Hussuen Itaba alisema hatua kubwa sasa imefikiwa katika mchezo wa Ngumi na Kuitaka peaktime kuendeleza ilikofikia.
Mmoja wa Wadhamini wa Iftari hiyo Peter Kinabo kutoka Euromax alisema Majukumu ya Kijamii ni matukio muhimu yanayotakiwa kuendelezwa nao Eoroma wameamua kusaidia katika Ngumi.
