Mabingwa watetezi wa Ligi Kuu Tanzania bara Timu ya Simba imekwea kileleni Mwa Msimamo wa Ligi hiyo baada ya kupata ushindi wa bao 1-0 dhidi ya wenyeji Gwambina FC Mchezo uliopigwa Leo April 24,2021 uwanja wa Gwambina Complex Wilayani Misungwi.
Shujaa wa Simba mlinzi wa kushoto Mohamedi Hussein dakika ya 29 bao safi kwa shuti la mita 24 lililomshinda Mlinda mlango wa Gwambina Mohamed Makaka na kuwanyanyua mashabiki waliokuwa wamefurika kutazama mechi hiyo.
Kwa ushindi huo Simba wanefikisha Pointi 58 kwa kucheza Mechi 24 huku Yanga wakishuka nafasi ya pili kwa Pointi 57 kwa kucheza mechi 26 huku Azam FC wakiwa nafasi ya tatu kwa Pointi 51 wakicheza mechi 27.
Mchezo mwingine umepigwa katika uwanja wa Majaliwa Stadium wenyeji Namungo FC wamekubali kichapo cha bao 1-0 kutoka kwa Mbeya City ambao wanajinasua kutoka chini na wamefikisha Pointi 27.
Macho na Masikio kwa wapenda soka ni Kesho majira ya saa 2:15 usiku uwanja wa Benjamin Mkapa kutakuwa na mpambana wa kukata na shoka wenyeji Yanga watakaribisha Matajiri wa Chamazi timu ya Azam FC ambao watataka kulipa kisasi cha kufungwa bao 1-0 mzunguko wa kwanza uwanja wa Chamazi Complex.
