Mkuu wa Mkoa wa Pwani Injinia Evarist Ndikilo wa kulia akizungumza jambo kwa msisitizo na wananchi ambapo kushoto kwake ni Katibu Tawala wa Mkoa wa Pwani Dk. Delphine Magere(PICHA NA VICTOR MASANGU)
……………………………………………………………………………..
NA VICTOR MASANGU, PWANI
Mkuu wa Mkoa wa Pwani amechukizwa na kuwaonya vikali baadhi ya wanaume wenye tabia ya kuwakatisha wanafunzi wa shule za msingi na sekondari masomo yao kutokana na kuwapatia mimba na kushindwa kuendelea na masomo yao hali ambayo amesema haikubaliki hata kidogo na kamwe hawezi kulifumbia macho suala hilo.
Injinia Ndikilo alitoa kauli hiyo wakati akizungumza katika maadhimisho na kilele cha siku ya mwanamke duniani ambapo kimkoa zilifanyika katika eneo cha kimanzishana Wilayani Mkuranga na kuhudhuliwa na viongozi mbali mbali wa serikali, wabunge, wenyeviti wa halmashauri, wakurugenzi viongozi wa vyama vya siasa pamoja na wadau mbali mbali wa maendeleo.
Alisema kwamb akumekuwepo na baadhi ya wanafunzi katika Mkoa wa Pwani ambao wanashindwa kufikia malengo ambayo waliyojiwekea kutokana na kupata mimba hivyo jamii inatakiwa kulivalia njuga sula hili na kuhakikisha wanapiga vita kabisa vitendo hivyo ambavyo vinachangania kwa kiasi kikubwa kuwanyima haki yao ya msingi katika suala zima la upatikanaji wa elimu.
“Kwa kweli jambo hili sio la kuvumilia kabisa hata kidogo lazima sasa jamii yote kuwa kushirikiana na wawazazi na walezi katika Mkoa wa Pwani kulipiga vita haswa na sio kuliacha tuu kwa watoto wetu hawa kupata ujazuzito na kutoshindwa kuendelea na masomo kwa hivyo mimi nasema hili jmbo halikubaliki kabisa hata kidogo na ni lazima sasa tubadilike na kulipiga vita,”alisema Ndikilo.
Kadhalika Ndikilo amekemeaa vitendo vya ukatili unaofanywa kwa wanawake na kuwataka wakinababa kuchana kabisa na kuwanyanyasa wake zao kwa kuamua kuwabaka,kuwatelekeza pamoja na kuwapiga bila sababu na badala yake wametakiwa kubadilika kwa kuwaheshimu na kuwapa fursa mbali mbali ili wazeze kuleta chachu ya maendeleo
Pia aliwaomba viongozi wa halmashauri zote tisa za Mkoa wa Pwani kuweka mipango madhubuti amabyo itaweza kusaidia kupunguza wimbi la wanafunzi hao kupata mimba ambapo pia Wilaya ya Kisarawe ndiyoinayoongoza kwa kuwa na idadi kubwa la ongezeko la watoto wa shule kupata ujauzito hivyo wanatakiwa kulifanyia kazi jambo hilo.
“Kwa kweli wazai na walezi inabidi mbadilike kabisa inatakiwa watoto wa kike wapatiwe fursa mbali mbali kwa ajili ya kupata muda mwingi katika kusoma lengo ikiwa ni kutimiza ndoto zao amabzo wamezipanga na sio kuwanyanyasa bila ya sababu za msingi hii inabidi muiache mara moja kwani sio sahihi kabisa.”alisema Ndikilo.
“Jamani ndugu zangu hakuna masomo magumu katika shule hivyo kitu kikubwa cha msingi wanafunzi wote wa kike pamoja na wale wa kiume wanatakiwa wapewe nafasi sawa kwa ajili ya kusoma masomo yote bila ya kuwabagua kwani watoto wa kike wanaweza kufanya mambo makubwa na kushika nafasi mbali mbali za uongozi hivyo wanastahili kuwezeshwa ili waweze kutimiza ndoto zao,”alisema.
Kwa Upande wake Katibu Tawala wa Mkoa Pwani Dk. Delphine Magere alibainisha kwamba lengo la serikali ya awamu ya tano ni kuhakikisha kwamba inaendelea na jitihada madhubuti kwa ajili ya kuviwezesha vikundi mbali mbali vya wakinamama katika mikopo ambayo inatolewa na halmashauri ili waweze kujikwamua kiuchumi na kuleta chachu ya maendeleo.
Naye Mwenyekiti wa jumuiya ya wanawake wa CCM Mkoa wa Pwani Farida Mgome amempongeza Katibu Tawala wa Mkoa wa Pwani Dk. Delphine Magere kwa kuwez kuwaunganisha wanawawe mbali mbali wa Mkoa huo katika kujikita zaidi katika shughuli mbali mbali za uongozi pamoja na umahii wake katika katika usimamizi mzuri wa shughuli mbali mbali za kiserikali.
“Kwa kweli sisi kama wanawake wa Mkoa wa Pwani tunampongeza kwa dhati kabisa Katibu Tawala wetu wa Mkoa wa Pwani kwani kwani tangu aletwe hapa ameweza kuwa ni kiunganishi kikubwa katika kuwaongoza wananawake wenake katika shuguli mbali mbali za kimaendeleo pamoja na zile nyingine za kiserikali kwa kweli sisi tunajivunia sana na tunamtakia kila la kheri katika utekelezaji wa majukumu yake ya kila siku,”alisema Mwenyekiti huyo.
Kadhalika Mgomi alisema kwamba anafarijika sana kuona ilani ya Chama cha mapinduzi (CCM) inatekelezeka kwa kiasi kikubwa katika suala zima la kuwawezesha wanaweke mikopo mbali mbali ambayo inawasaidia katika kijikwamua kiuchumi na kupambana na wimbi la umasikini na kwamba wanawake ndio nguzo na msingi mkubwa wa kuleta maendeleo.
