Naibu Waziri wa Maliasili na Utalii, Mhe. Mary Masanja akisisitiza kuhusu umuhimu wa kuboresha elimu ya Wanafunzi wa Chuo cha Taifa cha Utalii (NCT) wakati wa kikao na Menejimenti ya Chuo hicho kilichofanyika Jijini Dar es Salaam
Naibu Waziri wa Maliasili na Utalii, Mhe. Mary Masanja (katikati) akieleza umuhimu wa kutoa elimu ya masoko kwa wanafunzi wanaosoma katia Chuo chaTaifa cha Utalii kwa Afisa Mtendaji Mkuu wa Chuo hicho, Dkt. Shogo Mlozi (kulia) wakati wa Kikao na Wajumbe wa Menejimenti kilichofanyika leo Jijini Dar es Salaama
Naibu Wzairi wa Maliasili na Utalii, Mhe Mary Masanja (Katikati) akitoa maelekezo ya namna ya kuboresha vyumba vya malazi vinavyopatikakana katika Chuo cha Taifa cha Utalii (NCT)mara baada ya Kikao na uongozi wa Chuo hicho kilichofanyika leo Jijini Dar es Salaam. Kushoto ni Afisa Mtendaji Mkuu wa Chuo hicho Dkt. Shogo Mulozi.
…………………………………………………………………………………………..
Serikali imekitaka Chuo cha Taifa cha Utalii Tanzania kiendelee kusimamia taratibu na miongozo ya ubora wa elimu iliyowekwa ili kuwajengea uwezo wanafunzi wanaohitimu chuoni hapo kujiajiri wenyewe na kuwa mabalozi wazuri wa kutangaza bidhaa za utalii zinazo patikana hapa nchini.
Kauli hiyo imetolewa Jijini Dar es Salaam na Naibu Waziri wa Utalii Mhe. Mary Masanja alipokutana na Menejimenti ya Chuo hicho jijini Dar es Salaam. Mhe. Masanja amesema ni muhimu Chuo hicho kinapofundisha wanafunzi kiangalie namna ya kuwajengea uwezo wanafunzi hao kwenda kujitegemea pia kiangalie namna ya kupata masoko kwa ajili ya kuwashawishi watalii wa ndani na nje ya nchi waje kutalii hapa nchini.
Mhe. Masanja amesema pamoja na chuo hicho kutoa elimu ya masuala ya Utalii kinapaswa kufikiria namna ya kujitanua ili kiweze kuuza bidhaa zake na kuongeza mapato kupita utalii kwa muda mfupi.
‘’ Mnapaswa kujitangaza kupitia huduma mnazotoa, mnaweza kuona ni kituo kidogo lakini mnaweza kujikuta mmefika mbali zaidi’’ amesisitiza Mhe. Mary
Katika hatua nyingine Mhe. Mary ametoa wito kwa vijana wanaosoma masuala ya Utalii chuoni hapo waweke bidii katika kujifunza na kuzifahamu lugha mbalimbali ili waweze kuwasiliana vizuri na kuwahudumia watalii wanaokuja hapa nchini.
