Wachezaji timu ya Ivambinungu wakiwa kwenye picha pamoja na viongozi wake
****************************************************
Na Fredy Mgunda.Iringa
Kocha wa timu ya soka Ivambinungu ya Wilayani Mufindi ametamba kunyakua kombe ligi ya mkoa wa Iringa (Asas super league) kwa kumfunga mpinzani wake Mwitivala City (Ifuenga United) katika fainaili itakayo fanyika Siku ya jumapili kwenye uwanja wa CCM samora mkoani Iringa
Akizungunza mara baada ya kumaliza kikao cha pamoja baina ya viongozi wa timu na wachezaji Baraka Atanas alisema kuwa timu hiyo imejipanga kisawasawa kuhakikisha wanashinda fainali kwa kuwa mchezo huo ni muhimu kwao, kwa namna yoyote ile lazima washinde kwenda katika ngazi ya kanda.
Baraka Atanas alisema kuwa timu hiyo imefanya mazoezi ya kutosha na wachezaji wake wote wako fiti kwa ajili ya kwenda kushinda mchezo huo na kuondoka na kombe hilo kulipeleka Mafinga
Atanas alisema anamuheshimu mpinzani wake kwani hawajawahi kukutana naye katika mchezo wowote hivyo inabidI naye ajiandaee kusaikolojia kwani kushindana na Mtu ambaye hujawahi kuonana naye inabidi ajipange kweli kweli
Aliwataka mashabiki wa timu hiyo kujitokeza kwa wingi siku ya fainali hiyo ili kuipa nguvu timu yao kwani nguvu ya mashabiki nayo inanafasi kubwa ya kushinda
” niwaombeee mashabiki kutoka pande zote kujitokeza kwa wingi siku hiyo ili kuhakisha kombe hilo linabaki kwenye aridhi ya wilaya ya Mufindi” alisema Atanas
Kwa upande wake kapteni wa timu hiyo Stanlaus Msemo alisema wao kama wachezaji wamejipanga vema kuhakisha timu hiyo inashinda katika fainali hiyo
