*****************************************
NA MWAMVUA MWINYI,PWANI
RAIS Mstaafu wa Serikali ya Mapinduzi ya Zanzibar Dk MOHAMED SHEIN ameyataka mabaraza yanayohusika na lugha ya Kiswahili Visiwani Zanzibar na Bara kushirikiana na vyuo kikuu ikiwemo Chuo Kikuu Huria (OUT) ili kuendeleza lugha ya Kiswahili kwa njia ya masafa ya teknolojia ya kisasa ili kuongeza wigo katika soko la ajira na taaluma .
Pia amewaasa wahitimu wa Chuo Kikuu Huria kuhakikisha wanatumia elimu na tafiti walizozifanya mabadiliko chanya ndani ya jamii na kutanguliza uzalendo ili kuinua uchumi na maendeleo ya Taifa.
Dk Shein aliyaasema hayo katika mahafali ya 39 ya chuo kikuu huria yaliyofanyika BUNGO kata ya Mkuza wilayani Kibaha,mkoani Pwani.
“Vyuo vikuu vienzi lugha hii ,vishirikiane na mabaraza haya kukitangaza, Kiswahili na kujifunza na kukitumia ,Tumuenzi hayati Mwl.Nyerere kwa fikra zake kwani ndio chimbuko la lugha hii kutumika katika maeneo mbalimbal” alifafanua Dkt.Shein.
Aliwapongeza wahitimu katika taaluma mbalimbali kwa namna wanavyojiendeleza sanjali na kukitaka chuo hicho kuongeza wigo katika mfumo wa maafasa ndani na nje ya nchi ili kusaidia wahitaji wa kujiendeleza kielimu katika tasnia na fani mbalimbali.
“Mkifanya tafiti zenu zitumieni kwa maslahi ya taifa ,kujitangaza kwa yale mliyoibua kwani kizuri chajiuza kibaya chajitembeza” aliongeza Dkt.She in.
Nae Prof ELIFAS BISANDA ni makamu mkuu wa chuo kikuu Huria alisema wamefanikiwa kuongeza fursa kwa watanzania kutoa elimu ya maafasa hususani kwa walemavu wasiiona na wasiosikia.
Alieleza changamoto ya wataalamu 60 ambao waliteuliwa katika nafasi mbalimbali na wengine kustaafu na kubadilishiwa kazi ,na kuwaomba serikali iangalie uwezekano wa kuwaongezea muda wa kustaafu maprofesa ifikie miaka 62 kutokana na umuhimu wao.
Kwa upande wake ,Prof. RWEKAZA MUKANDARA ni Mwenyekiti wa bodi ya Chuo Kikuu Huria anasema wanaendelea kutoa uelewa kwa wananchi katika kupata mfumo wa elimu huria na masafaa
Baadhi ya wahitimu wa taaluma mbalimbali ROSE CHAPEWA na MUSSA RAMADHANI walisema wanakwenda kutumia elimu waliyoipata kwa maslahi yao na Taifa kijumla.
Tangu Chuo Kikuu Huria kuanzishwa hapa mwaka 1999 kimefanikiwa kutoa rasilimali watu katika taaluma mbalimbali na hadi sasa mahafali ya 39 jumla ya wahitimu 56,558 ambapo waliohitimu sasa ni 2,996 ,kwa kutunukiwa vyeti katika shahada za uamivu-PHD-,shahada za uzamili-Masters,stashahasa-dipoma- ngazi ya cheti..