*****************************
Jeshi la Polisi Mkoa wa Mbeya limefanya misako katika maeneo ya Sinde, Iyela, Igawilo na Maanga Jijini Mbeya, Madibira Wilaya ya Mbarali na Matundasi Wilaya ya Chunya na kufanikiwa kuwakamata watuhumiwa 45 kwa tuhuma ya makosa mbalimbali yakiwemo ya kupatikana na dawa za kulevya aina ya Bhangi na kupatikana na Pombe Haramu ya Moshi @ Gongo.
KUPATIKANA NA BHANGI.
Jeshi la Polisi Mkoa wa Mbeya linamshikilia BARAKA ANYELISO [27] Mkazi wa Ilembo Jijini Mbeya akiwa na dawa za kulevya aina ya Bhangi gramu 510.
Mtuhumiwa alikamatwa mnamo tarehe 09.12.2020 majira ya saa 11:00 asubuhi huko maeneo ya kilabu cha Mwangonela kilichopo mtaa wa Ilembo, Kata ya Iyela, Tarafa ya Iyunga, Jiji la Mbeya. Mtuhumiwa ni muuzaji na mtumiaji wa bhangi.
KUPATIKANA NA BHANGI.
Jeshi la Polisi Mkoa wa Mbeya linamshikilia OMARY NIBU [19] Mkazi wa Itezi na wenzake 15 wakiwa na dawa za kulevya aina ya Bhangi gramu 25.
Mtuhumiwa alikamatwa mnamo tarehe 09.12.2020 majira ya saa 13:40 mchana huko maeneo ya Kingani, Mtaa wa Sokoni, Kata ya Igawilo, Tarafa ya Iyunga, Jiji la Mbeya. Watuhumiwa ni wauzaji na watumiaji wa bhangi.
KUPATIKANA NA BHANGI.
Jeshi la Polisi Mkoa wa Mbeya linamshikilia STANFORD GWERINO [29] Mkazi wa Chalisuka akiwa na dawa za kulevya aina ya Bhangi kilo 01 na gramu 220.
Mtuhumiwa alikamatwa mnamo tarehe 09.12.2020 majira ya saa 13:00 mchana huko Kijiji cha Chalisuka, Kata ya Madibira, Tarafa ya Rujewa, Mkoa wa Mbeya. Mtuhumiwa ni muuzaji na mtumiaji wa bhangi.
KUPATIKANA NA POMBE HARAMU YA MOSHI[GONGO].
Jeshi la Polisi Mkoa wa Mbeya linamshikilia TAUSI KASOKO [50], Mfanyabiashara, Mkazi wa Maanga “A” akiwa na Pombe Haramu ya Moshi @ Gongo lita 04.
Mtuhumiwa alikamatwa mnamo tarehe 09.12.2020 majira ya saa 12:13 mchana huko maeneo ya kilabu cha Maendeleo kilichopo mtaa wa Maanga “A”, Kata ya Maanga, Tarafa ya Sisimba, Jiji la Mbeya. 04. Mtuhumiwa ni muuzaji na mtumiaji wa pombe hiyo.
KUPATIKANA NA POMBE HARAMU YA MOSHI[GONGO].
Jeshi la Polisi Mkoa wa Mbeya linamshikilia DANIEL JAMES [50] Mkazi wa Nanyuki akiwa na Pombe Haramu ya Moshi @ Gongo lita 05.
Mtuhumiwa alikamatwa mnamo tarehe 09.12.2020 majira ya saa 11:30 asubuhi huko Kitongoji cha Nanyuki kilichopo Kata ya Matundasi, Tarafa ya Kiwanja, Wilaya ya Chunya, Mkoa wa Mbeya. Mtuhumiwa ni muuzaji na mtumiaji wa pombe hiyo.
KUPATIKANA NA BHANGI.
Jeshi la Polisi Mkoa wa Mbeya linamshikilia HANCE DAVID @ SANGA [34] Mkazi wa Sinde na wenzake watano (05) wakiwa na dawa za kulevya aina ya Bhangi gramu 05.
Watuhumiwa walikamatwa mnamo tarehe 09.12.2020 majira ya saa 09:30 asubuhi huko maeneo ya Ilolo, Kata ya Sinde Tarafa ya Sisimba, Jiji la Mbeya. Watuhumiwa ni wavutaji/wauzaji wa bhangi.
KUPATIKANA NA POMBE HARAMU YA MOSHI [GONGO].
Jeshi la Polisi Mkoa wa Mbeya linamshikilia SHEGA CHARLES [36] Mkazi wa Sinde na wenzake sita (06) wakiwa na Pombe Haramu ya Moshi @ Gongo lita sita (06).
Watuhumiwa walikamatwa mnamo tarehe 09.12.2020 majira ya saa 09:30 asubuhi huko maeneo ya Ilolo, Kata ya Sinde Tarafa ya Sisimba, Jiji la Mbeya katika misako na doria zilizoendelea katika maeneo mbalimbali ya mkoa wa Mbeya.
Watuhumiwa watafikishwa mahakamani mara baada ya upelelezi wa mashauri yao kukamilika.
TAARIFA YA KIFO.
Mnamo tarehe 09.12.2020 majira ya saa 14:00 mchana huko Kijiji cha Ikumbi, Kata Bonde la Usongwe, Tarafa Songwe, Wilaya Kipolisi Mbalizi, Mkoa Mbeya. JASTINI NYEMBA [19] Mwanafunzi wa kidato cha tatu katika ya Sekondari Songwe na Mkazi wa Ifisi alifariki dunia baada ya kupigwa radi akiwa amejikinga kwenye pagala kijijini hapo kutokana na mvua kubwa kunyesha. Mwili wa marehemu umehifadhiwa Hospitali Teule ya Ifisi Mbalizi kwa uchunguzi wa kitabibu.
