Katibu Mkuu, Wizara ya Mifugo na Uvuvi(Mifugo), Prof. Elisante Ole Gabriel akionesha kuvutiwa na moja ya bidhaa inayozalishwa na Wajasiriamali kutoka Chuo Kikuu cha Dar es Salaam alipotembelea Banda la chuo hicho katika Maonesho ya Bidhaa za Viwanda yanayofanyika katika Viwanja Maonesho vya Mwl. Nyerere (Sabasaba) Dar es Salaam Disemba 6, 2020.
*********************************
NA EMMANUEL MBATILO
Katibu Mkuu wa Wizara ya Mifugo na Uvuvi, Prof.Elisante Ole Gabriel ameupongeza uongozi wa Chuo Kikuu cha Dar es Salaam kwa juhudi wanazozifanya katika kuinua sekta ya Kilimo.
Prof.Elisante ametoa pongezi hizo baada ya kutembelea banda la Chuo hicho na kujionea bidhaa zinazozalishwa na wajasiriamali kutoka Chuo Kikuu cha Dar es Salaam katika Maonesho ya Bidhaa za Viwanda yanayofanyika katika Viwanja Maonesho vya Mwl. Nyerere (Sabasaba) Dar es Salaam Disemba 6, 2020.
