……………………………………………………..
Na.Emmanuel Mbatilo,Dar es salaam
Mabingwa wa Kihistoria wa Tanzania timu ya Yanga wamezidi kujichimbia kileleni mwa Ligi Kuu Tanzania bara baada ya kupata ushindi wa mabao 2-1 dhidi ya Ruvu Shooting Mchezo uliopigwa uwanja wa Mkapa jijini Dar es Salaam.
Mabao ya Yanga yamefungwa na Michael Sarpong dakika ya 31 na Cassian Ponera alijifunga dakika ya 66 na bao la kufutia machozi limefungwa na David Richard dakika ya 60 huku Deus Kaseke akikosa Penalti dakika ya 58.
Kwa matokeo hayo Yanga wamefikisha jumla ya pointi 34 kwa michezo 14 wakifatiwa na Azam FC wenye pointi 26 kwa michezo 13 huku bingwa Mtetezi Simba akiwa nafasi ya tatu kwa Pointi 23 akiwa amecheza mechi 11.
Ligi Kuu hiyo inatarajia kuendelea kesho katika uwanja wa Gwambina wilayani Misungwi Mkoani Mwanza wenyeji Gwambina watawakaribisha Azam FC kutoka Dar es Salaam.
