*************************************
WACHEZAJI WA RIDHAA WA MCHEZO WA GOLF ZAIDI 70 WAMESHIRIKI MASHINDANO YA WAZI YA TPC YANAYOENDELEA KATIKA VIWANJA VYA KIWANDA CHA MIWA CHA TPC MOSHI MKOANI KILIMANJARO.
AKIZUNGUMZA WAKATI WAKUANZA KWA MASHINDANO HAYO NAHODHA WA KLABU YA GOLF YA TPC JAFFARY IDDI AMESEMA MALENGO NI KUKUZA MCHEZO NA IDADI YA WACHEZAJI IMEKUWA FARAJA KWA KLABU.
“TUNAENDELEA KUKUZA MCHEZO HATUA SIO MBAYA TUNA VIJANA WENGI SASA WANACHEZA TUNAAMINI BAADA MUDA MFUPI TUTAKUWA NA WACHEZAJI WENGI WAZURI KWA MASLAHI YA TAIFA” ALISEMA JAFFARY.
AIDHA ALISEMA PROGRAM YA WATOTO IMEKUWA NA TIJA NA IMEKUWA KIPAUMBELE NA WANATARAJIA KUENDESHA MASHINDANO MAKUBWA ILI KUENDELEA KUTOA HAMASA.
INAJUA KUFANYIKA KWA MASHINDANO MENGI KWANZA HUTOA HAMASA KWA WENYEJI KUJIANDAA NA WENGINE WANAOZUNGUKA KUHAMASIKA NA MCHEZO.
KWA UPANDE WAKE MCHEZAJI NAMBA MOJA WA KLABU HIYO ALLY MCHARO AMESEMA MATUMANI NI MAKUBWA KWANI KIWANJA ANAKIJUA.
MCHARO AMBAYE KIWANGO CHAKE CHA UCHEZAJI NI ZAIDI YA FIMBO TANO AMESEMA BAADA YA MAFANIKIO YA MASHINDANO YA NDANI NI MATUMAINI KLABU ITAMPA FURSA ZAIDI KIMATAIFA PIA.
KWA UPANDE WA WANAWAKE MCHEZAJI HADIJA SELEMANI WA LUGALO AMESEMA MCHEZO NI MGUMU LAKINI KWA KUWA NI MCHEZO WA SIKU MBILI ANAAMINI ATAFANYA VYEMA.
HADIJA NI MIONGONI MWA WACHEZAJI 10 WA LUGALO WALISHIRIKI MASHINDANO HAYO SAMBAMBA NA WACHEZAJI WENGINE KUTOKA ARUSHA GYMKHANA, MOSHI NA KILI GOLF.
MASHINDANO HAYA YA WAZI YA TPC NI YA SIKU MBILI KWA WACHEZAJI WA RIDHAA NA WAKULIPWA YANATARAJIWA KUHITIMISHWA KESHO JUMAPILI WAKATI KWA WACHEZAJI WA KULIPWA YANATARAJIWA KUHITIMISHWA LEO JUMAMOSI BAADA YA KUANZA IJUMAA.
