Mwenyekiti wa Chama Cha Mapinduzi wilaya ya Bukoba mjini Ngd. Joas Muganyizi Zachwa akiwahutubia wananchi wa kata kashai pamoja na kuomba kura za chama hicho kwa wagombea wa udiwani ubunge na urais.
Mwenyekiti wa chama cha mapinduzi mkoa wa Kagera Bi Constansia Nyamwiza Buhiye kulia akimkabithi ilani ya uchaguzi ya mwaka 2020-2025 mgombea udiwani kata Kashai Ramadhani Kambuga Kushoto katika mkutano wa kampeini zilizofanyika kata Kashi mtaa wa katatolanso.
Katibu mwenezi wa Chama Cha Mapinduzi Mkoa wa Kagera Ndg Hamimu Mahamudu akiwahutubia wananchi wa manispaa ya Bukoba katika mkutano wa kampeni Kata Kashai .
Aliyekuwa Katibu mwenezi wa chama cha ACT Wazalendo Taifa ambaye ni kada wa CCM kwa sasa Ngd. Evance Kamenge akiomba kura za chama cha Mapinduzi kwenye mkutano wa Kampeini uliofanyika kata Kashai Manispaa ya Bukoba mkoani Kagera.
Baadhi ya wananchi wa waiojitokeza kwenye mkutano wa kampeini za CCM Kata Kashai kusikiliza sera zinazotolewa na viongozi pamoja na wagombea wa chama hicho.
********************************
Na Allawi Kaboyo- Bukoba.
Zikiwa zimebaki siku takrbani 19 kuelekea uchaguzi mkuu hapa nchini, wananchi wa manispaa ya Bukoba Mkoani Kagera wameshauriwa kutofanya makosa katika uchaguzi huo kwa kuwachagua viongozi ambao hawataweza kuwaletea maendeleo na badala yake kubaki wanajilaumu.
Hayo yamesemwa leo Oktoba 8,mwaka huu na viongozi mbalimbali wa chama cha mapinduzi mkoani humo wakati wa mkutano wa kampeini wa chama uliofanyika kata Kashai ambapo viongozi hao wameeleza kuwa tayari wananchi wa Bukoba mjini wameshaonja joto la kutawaliwa na upinzani hivyo hawana sababu tena ya kuchagua upinzani.
Akiongea katika jukwaa hilo aliyekuwa katibu mwenezi wa chama cha ACT Wazalendo Taifa Ndg. Evance Kamenge amesema kuwa vyama vya upinzani kwa sasa havina sera na badala yake vibakia na vihoja ambavyo haviwezi kuwaletea watanzania maendeleo.
Kamenge amesema kuwa miaka mitano iliyopita Rais Magufuli ameweza kutekeleza sera zote zilizokuwa zikipigiwa kelele na wapinzani na sasa wamebaki wameduwaa hawana sera.
“Mimi nilikuwa upinzani na niliwahi kugombea ubunge nukiwa upinani mwaka 2015, baada ya Rais Magufuli kuingia madarakani sera tulizokuwa tukizipigia kelele amezitekeleza tena kwa kiwango ambacho na sisi tusingeliweza, kutokea hapo nikaona mimi kama kija mzalendo sina sababu tena ya kuendelea kuwa upinzani ndo maana mnaniona hapa nikikitafutia kura za kishindo chama cha mapinduzi.” Amesema Kamenge.
Kwaupande wake katibu Mwenezi wa mkoa wa Kagera Hamimu Mahamudu amewakumbusha wananchi wa Manispaa ya Bukoba pamoja na Kata Kashai kuwa kwa miaka mitano wakuwa wakitawaliwa na upinzani ambapo kwa miaka hiyo wamejionea hali ilivyokuwa ikiwemo kuzorota kwa maendeleo katika maeneo yao huku waliowachagua wakiwa wamewakimbia.
Ameongeza kuwa pamoja na mambo ambayo chama hicho kimefanya bado kwa Bukoba mjini kutokana na kuwepo kwa upinzani limeshindwa kujengwa soko la kisasa pamoja na kiuo cha mabasi cha kisasa na badala yake halmashauri iliyokuwa ikiongozwa na upinzani imekuwa ikitoa huduma kwa kubagua.
Aidha Mahamudu amesema kuwa katika kipindi hiki cha kampeini wananchama wao wamekuwa wakitishiwa maisha kwa kutolewa vitisho mbalimbali endapo wataichagua CCM, ambapo ametumia fursa hiyo kuwasihi wanachama wake kuwa watulivu na wasiwe na woga wajitokeze kupiga kura na kuwachagua wagombea wa CCM.
“Tunazo taarifa kuwa mnatishwa hasa nyie akina mama, tumesikia kwenye majukwa baadhi ya wagombea wakitishia kumwaga damu endapo hawatachaguliwa, mimi niseme tu mara hii tumeamua liwe jua iwe mvua CCM ushindi ni suaa la lazima, na wanaotishia kumwaga damu wamwage tu hata mkojo watakiona chamtemakuni.” Amesisitiza Hamimu.
Bi. Constatia Buhiye ni mwenyekiti wa CCM mkoa wa Kagera akiongea kabla ya kumkabidhi ilani ya uchaguzi mgombea wa udiwaniwa kata ya Kashai amesema kuwa jimbo la Bukoba wananchhi wake wamekuwa yatima kwa kipindi kirefu sana hivyo wanapaswa kufanya maamuzi sahihi kuhakikisha chama chao kinashinda kwenye uchaguzi mkuu.
Mama Buhiye amesema kuwa kwa sasa wananchi wanatakiwa wafanye maamuzi ya uelewa na sio kupiga kura za ushabiki ili kuhakikisha wanaleta maendeleo katika maeneo yote ya mkoa wa Kagera ambapo amewaomba wananchi kumchagua mgombea ubunge wa jimbo la Bukoba Stivene Byabato na kura nyingi kwa Rais Magufuli pamoja na madiwani wote wa CCM ili kupitia wao watapata wabunge wanne waa viti maalumu kutoka Kagera.
