Muendelezo wa kampeni za kunadi ilani ya CCM unaofanywa na Mgombea Ubunge wa Viti Maalum Wanawake Mkoa wa Dodoma CCM, Mariam Ditopile leo umefanikiwa kuvuna wanachama 12 wa Chadema Kata ya Nghongh’ona wilayani Dodoma ambao wamekubali kuhamia CCM baada ya kuvutiwa na Sera na ilani ya chama hicho kuelekea uchaguzi mkuu Oktoba 28.
” Hawa wenzetu waliotoka Chadema leo hii ni kwa sababu wamegundua chama pekee kinachoweza kuwaletea maendeleo watanzania wakiwemo wananchi wa Dodoma ni CCM, na yote hayo ni kwa sababu ya kazi kubwa iliyofanywa na Rais na mgombea Urais wetu, Dk John Magufuli kuwatumikia watanzania kwenye kila nyanja ikiwemo Afya, Maji, Elimu na Miundombinu.
Miradi mikubwa ya Bwawa la Umeme la Nyerere na Reli ya Kisasa ya SGT inayofanywa na Rais Magufuli kwa pamoja imetengeneza Ajira 18,700 kwa watanzania wa kada mbalimbali, mafundi, mama ntilie na madereva, leo mtu anapoponda ujenzi wa Miradi hii mjue hakutaka hao watu 18,700 wapate Ajira zitakazoendesha maisha yao.
Wanasema Serikali ya Magufuli inafany maendeleo ya vitu na siyo watu, tuwaulize hizo Nchi zilizoendelea kuna mwananchi Bilionea halafu kusiwe na Barabara, Vituo vya Afya na Nishati ya Umeme ya uhakika? Maendeleo ya vitu yaliyofanywa na Dk Magufuli ni Vituo 480 ya Afya, Umeme kila Kijiji na Elimu bure, tuwapuuze,” Ditopile.
