Waziri wa Viwanda na Biashara, Innocent Bashungwa akimsikiliza Meneja Mahusiano wa benki ya NBC, William Kalage alipotembelea Banda la Benki hiyo kwenye Maonyesho ya 44 ya Biashara ya Kimataifa ya Dar es Salaam.
Waziri wa Viwanda na Biashara, Innocent Bashungwa akionja mvinyo alipotembelea Banda la Wizara ya Viwanda na Biashara kwenye maonyesho ya 44 ya Biashara ya Kimataifa ya Dar es Salaam yanayoendelea katika Viwanja vya Jk Nyerere Barabara ya Kilwa.
Waziri wa Viwanda na Biashara akitoka Katika Banda la Bunge la Tanzania Kwenye maonyesho ya 44 ya Biashara ya Kimataifa ya Dar es Salaam
Wananchi wakiingia kwenye maonyesho ya 44 ya Kimataifa ya Biashara ya Dar es Salaam yanayotarajia kufunguliwa rasmi kesho na Waziri Mkuu Kassim Majaliwa. Picha na Anthony Siame
…………………………………………………………………
Na .Emmanuel Mbatilo,Dar es Salaam
Wananchi wametakiwa kuendelea kupenda bidhaazinazozalishwa na viwanda vya hapa nchini kwani chanzo cha nchi kufikia uchumi wa kati ni pamoja na wananchi wake kupendelea bidhaa ambazo wanazizalisha wao kama wao.
Akizungumza baada ya kutembelea mabanda ya maonesho ya 44 ya sabasaba katika viwanja vya Mwalimu Nyerere Jijini Dar es Salaam, Waziri wa Viwanda na Biashara Mhe.Innocent Bashungwa amesema kuwa kama watanzania ili kuweza kusheherekea mafanikio endelevu kuingia nchi yenye kipato cha kati tunatakiwa kuwa wakwanza kutangaza bidhaa zetu.
“Kupitia mafanikio tuliyoyapata rai yangu kwa watnzania ni kupenda bidhaa zinazozalishwa na viwanda vyetu ili mafanikio haya ya kuwa nchi ya kipato cha kati yawe ni matunda kwa watanzania hasa kwa wakina mama wanaotafuta ajira na tukiendelea kupenda bidhaa zinazozalishwa hapa nchini ndivyo tunazidi kutengeneza fursa kwa vijana na wakina mama kupata ajira”. Amesema Mhe.Bashungwa.
Aidha Mhe.Bashungwa amesema kupitia maonesho ya Sabasaba tuendelee kuelimisha jamii kuhusu umuhimu wa kupenda bidhaa zinazozalishwa hapa nchini.
“Kabla haujanunua bidhaa kutoka nje jiulize kwanza nikinunua bidhaa inayotoka nje nikaacha ambayo inazlishwa hapa nchini utakuwa umeinufaisha nchi kwa kiasi gani”. Amesema Mhe.Bashungwa.
Amesema Watanzania tukiendelea kusheherekea mafanikio haya ya kufikia kipato cha kati tuyasheherekee kwa kupenda bidhaa zinazozalishwa hapa nchini.
Tunategemea kupitia maonesho haya ya sabasaba ya 44 kampuni ambazo zinashiriki ukiondoa wale ambao wanakuja sabasaba kununua bidhaa na kuangalia teknolojia mbalimbali zikioneshwa na taasisi zetu na makampuni pia kupitia B2B wale ambao wapo nje wataendelea kuingia mikataba na wafanyabiashara ambao wanashiriki katika maonesho ya sabasaba na sisi mkakati wetu kama serikali kwasababu ajira nyingi tunazitengeneza ngazi ya viwanda vidogo na vya kati”. Amesema Mhe.Bashungwa.
Pamoja na hayo Mhe. Bashungwa amesema Tanzania kuwa nchi yenye kipato cha kati inatusaidia kuingia kwenye rada ya kimataifa hivyo wengi watapenda kuja kuwekeza hapa nchini.
