Home Mchanganyiko TAMWA OFISI YA PEMBA KUTOA ELIMU YA UJASIRIAMALI KWA MAMA MJANE NA...

TAMWA OFISI YA PEMBA KUTOA ELIMU YA UJASIRIAMALI KWA MAMA MJANE NA MWENYE ULEMAVU WA MIGUU

0

Mwandishi wa habari masanja mabula akifanya mahojiano na asha rajab  mkaazi wa kiwani wilaya ya mkoani aliyepewa talaka na mume wake baada ya kupata ulemavu wa miguu akiwa ndani ya ndoa, kwa sasa asha anaishi na watoto wake watatu.

Mwandishi wa habari masanja mabula akizungumza na mzee Haji Jeilan  Aleyi (71) ambaye ni baba mlezi wa asha rajab huko kiwani wilaya ya Mkoani Mkoa wa kusini Pemba.

Picha na Masanja Mabula.

…………………………………………………………..

Na Masanja Mabula ,Pemba.

CHAMA cha wandishi wa habari wanawake Tanzania –TAMWA-Ofisi ya Pemba kimepenga kumwezesha kwa kumpatia elimu ya ujasiriamali Asha Rajab Shaban mjane na mlemavu wa miguu anayeishi Kijiji cha Mbayayani Shehia ya Kiwani Mkoa wa Kusini Pemba .

Mratibu wa TAMWA Pemba Fat-hiya Mussa Said alisema mchakato wa kupeleka wataalamu wa elimu ya ujasiriamali unaendelea ili kumwezesha kupata kazi itakayomwingizia kipato.

“Sisi TAMWA tumeguswa na hali hiyo , ambapo kwa sasa tunaendelea na mchakato wa kumpelekea walimu watakao mpatia elimu ya ujasiriamali wa kutengeneza sabuni na kusuka”alisema.

“Ukiachilia mbali ulemavu pia anawatoto watatu na ukiangalia hana kazi inayompatia kipato , hivyo akipatiwa elimu ya ujasiriamali itamsaidia yeye na familia yake”aliongeza.

Kauli hiyo ya TAMWA imekuja baada Asha Rajab Shaban 26 ambaye  ni mlevu wa miguu kuomba kupatiwa elimu ya ujsiriamali ili aweze kuendesha maisha yake.

Asha alipata ulemavu huo akiwa ndani ya ndoa hali iliyosababisha kupewa talaka na aliyekuwa mume wake alisema elimu hiyo itamwezesha kujitegemea na kuondokana na hali ya utegemezi aliyonayo kwa sasa.

Akizungumza na mwandishi wa habari hizi huko kijijini kwao Mbayayani, Kiwani alisema zipo shughuli za ujasiriamali anaweze kuzifanya ikiwemo kutengeneza sabuni, kusuka makawa pamoja na kushona.

“Nikiwa elimu ya ujasiriamali nitaweza kuendesha maisha yangu na kuondokana na utegemezi katika maisha yangu pamoja na familia yangu”alisema.

Mratibu wa wanawake na watoto wa shehia ya Kiwani Mwanaidi Vuale Khatib alisema vikao vya kutafuta ufumbuzi wa suala hilo vimefanyika bila mafanikio.

Alisema kwamba lengo ni kufanyika vikao ilikuwa ni kumtaka aliyekuwa mume wake aendelea kutoa huduma kwa watoto ikiwemo nguo, chakula pamoja na kusimamia watoto waende skuli.

Kwa upande wake baba mlezi wa mjane huyo Haji Jeilan Aleyi (71) aliomba wahisani kumsaidia kwani anapata shida kutokana na kukosa kazi ya kumuingizia kipato.

“Hapa nategemea kilimo kupata mahitaji ya familia yangu, naomba kama kunamwenye uwezo kusaidia mahitaji ya chakula , makazi na nguo za watoto”aliomba.

Ustadhi Salum Mohammed Haji alisema kwa mujibu wa dini ya Kiislamu ni kosa kumwacha mwanamke aliyepata ulemavu akiwa ndani ya ndoa.

Sheha wa shehia ya Kiwani Abdalla Makame Hamad alikiri kuwepo na tukio na kuahidi kuchukua kila jitihada kumweezesha kupata haki yake za msingi.