**********************************
BAADA ya kuachia wimbo wake mpya uitwao “Usiogope” Ijumaa ya wiki iliyopita, Mwimbaji Dayness Obeid amesema wimbo umepata mapokezi makubwa.
Akizungumzia kwenye kipindi Cha Full Shangwe Extra kinachoruka Kwaneema Fm Radio 98.1 Mhz Mwanza, Dayness amesema hakutegemea mapokezi makubwa kiasi hiki.
“Kipindi natarajia kuachia wimbo wangu, sikutegemea Kama watu wangeupokea kwa nguvu kiasi hiki, Ila nampa Mungu shukurani kwa mapokezi haya”.
Dayness amesema, haikuwa kazi rahisi wimbo wake kukubalika kwa watu kutokana na waimbaji wengine kuachia Nyimbo zao mpya kipindi kimoja.
Amesema mpaka sasa anaona mwitikio mkubwa kwa watu waliousikia wimbo, wakipongeza kwa jinsi alivyoanza maana baadhi ya waimbaji wamekuwa wakichemka wakati wa kuachia wimbo mpya.
“Unajua wakati Kama huu kila Mwimbaji anaimba Sana, tena wanaimba kwa ustadi mno, halafu ukizingatia wengine tayari Wana majina maarufu kuliko Mimi, Ila ukimtegemea Mungu anafanya kwa sehemu kubwa”.
Dayness amewaomba watu wote kuendelea kumuombea ili Mungu amfanikishe katika huduma hii ya uimbaji ili aweze kufika mbali zaidi na kutimiza malengo yaliyo mbele yake.
Meneja wa Dayness Obeid, Bi Catherine Mniko ambaye ndie Meneja Mtendaji wa Famara Promotion amesema mpaka Sasa Kama menejimenti wameridhishwa na mapokezi na kuachia kuja video kubwa ya wimbo wa Usiogope wa Dayness Obeid.
Dayness Obeid, Mwimbaji kutoka Mkoani Mwanza ambaye kwa Sasa anaishi Mkoani Mbeya kutokana na majukumu ya kikazi, ambaye yuko chini ya lebo ya Famara Promotion, wasimamizi wake kumziki.
