Home Mchanganyiko WAPENI ELIMU YA KUJIKINGA NA CORONA WANANCHI-DKT.CHAULA

WAPENI ELIMU YA KUJIKINGA NA CORONA WANANCHI-DKT.CHAULA

0

Katibu Mkuu Wizara ya Afya, Maendeleo ya Jamii, Jinsia, Wazee na Watoto-Idara kuu afya Dkt. Zainab Chaula akiongea na waganga wakuu wa mikoa(hawapo pichani) wakati wa mkutano wa kujadili utayari wa kukabiliana na tishio la mlipuko wa virus vya corona kwenye ukumbi wa mkutano wa hospitali ya taifa muhimbili-mloganzila

Baadhi wa waganga wakuu wa mikoa na maofisa kutoka wizara ya afya walioshiriki mkutano wa kujadili tishio la ugonjwa wa Corona.

Naibu Mkuu anayeshughulikia afya kutoka Ofisi ya Rais-TAMISEMI Dkt. Dorothy Gwajima akiongea na waganga wakuu wa mikoa

Katibu Mkuu Dkt. Zainab Chaula akiwa na Naibu Katibu Mkuu OR-TAMISEMI Dkt. Dorothy Gwajima pamoja na Mganga Mkuu wa Serikali Prof. Muhammad Bakari Kambi wakati wa mkutano huo

Mkuu wa huduma za afya jeshini-JWTZ Kanali Moses Mlula akiongea na waganga wakuu wa mikoa ambapo alisema kama wataalam wanatakiwa kutoa mchango kwa serikali ili kukabiliana na magonjwa ya mlipuko kwa kuangalia nchi zingine wanafanya nini.

Mwakilishi wa Mkurugenzi wa idara ya maafa kutoka.ofisi ya Waziri Mkuu Harrison Chinyuka aliwasisitiza waganga wakuu wa mikoa kutoa elimu ya magonjwa ya mlipuko kwa wataalam wengine hususan timu za maafa kwenye mikoa yao.

*****************************

Na. Catherine Sungura-Dar es salaam

Wananchi wanatakiwa kupewa elimu jinsi ya kujikinga na ugonjwa wa corona ili kuepusha usisambae endapo atatokea muhisiwa wa ugonjwa huo nchini.

Maelekezo hayo yametolewa leo na Katibu Mkuu Wizara ya Afya, maendeleo ya jamii, jinsia, Wazee na Watoto-idara kuu afya Dkt. Zainab Chaula wakati wa mkutano wa kitaifa wa Waganga Wakuu wa mikoa wa kujadili utayari,changamoto na hatua za kukabiliana na tishio la mlipuko wa COVID-19 uliofanyika kwenye ukumbi wa hospitali ya taifa muhimbili tawi la mloganzila jijini hapa.

“Katika mkoa wewe ndio mtaalam namba moja wa afya kwenye mkoa wako hivyo mnatakiwa kushauri viongozi katika kukabiliana na ugonjwa huu”. Alisisitiza Dkt. Chaula

Amesema upatishanaji elimu juu ya kujikinga na maambukizi kwa wananchi ni jambo muhimu sana kwani jamii inapaswa kuwa na uelewa wa pamoja namna ya ugonjwa huo unavyoambukizwa pamoja na dalili zake ili kila rika iweze kuwa na ufahamu na hivyo itasaidia kuepusha magonjwa ya mlipuko yasiingie nchini.

“Kama nchi za afrika hivi sasa hatupo kwenye utayari bali kwenye kukabiliana kwani tuona ugonjwa huu umezikumba nchi zingine, hivyo kama nchi lazima wataalam wote tujiandae kukabiliana na virus hivi vya Corona ili endapo tutapata mgonjwa basi vyanzo vyote vya maambukizi yanatakiwa kudhibitiwa ili usienee.

Naye Naibu katibu Mkuu Ofisi ya Rais-TAMISEMIanayeshughulikia afya Dkt. Doroth Gwajima amesema kuwa kama TAMISEMI wapo tayari kupokea maelekezo na mafunzo yote ya kisekta ili kutimiza lengo tarajiwa la serikali la kudhibiti na kukabiliana ugonjwa huo.

Dkt. Gwajiama amesema kuwa mkutano huu utasaidia waganga wakuu wa mikoa nchini kutoka na mkakati wa pamoja wa namna ya kukabiliana na ugonjwa huu hususan mikoa ya mipakani kama Kagera, Katavi,songwe, Kigoma,kagera pamoja na mikoa mingine ambayo ipo kwenye hatari ya kuingia kwa magonjwa ya mlipuko.

Hata hivyo Naibu katibu mkuu huyo akiwataka waganga wakuu hao kutoa mafunzo kwa wataalam wengine wa chini yao na viongozi wa mikoa na halmashauri ili kwenda pamoja katika kukabiliana na magonjwa wakati wa dharura.