Home Mchanganyiko MVUA YASABABISHA VIFO VYA WATU WAWILI MOROGORO

MVUA YASABABISHA VIFO VYA WATU WAWILI MOROGORO

0

………………………………………………………………………………………….

NA FARIDA SAIDY MOROGORO

 Mvua zinazoendelea kunyesha katika maeneo Mbalimbali Mkoani Morogoro zimesababisha Vifo vya watu wawili jana March 6 majira ya saa moja usiku katika Mtaa wa Kihimbwa Kata ya Boma Manispaa ya Morogoro.

Afisa Mtendaji wa Kata hiyo Bw Antopas Ally amezungumza hayo na waandishi wa habari mara baada ya kufika Eneo husika na kusema kuwa waliokumbwa na maafa hayo ni mwanaume na mwanamke ambao walikuwa wanapata vinywaji katika duka moja lililopo karibu na daraja mtaani hapo.

Kwa Upande wake Mganga  Mfawidhi wa Hospitali ya Rufaa ya Mkoa wa Morogoro Dk Ritha Liamua amekiri kupokea miili ya watu wawili  hosptitalini hapo,huku akisema kuwa hakuna majeruhi waliowapokea mpaka sasa.