Vijana Zaidi ya 200 Kutoka Mikoa Ya Ruvuma,Iringa Na Njombe Wakutana Njombe Kujadili Fursa za Kilimo

…………………………………………………………………………………………………………….

Joctan Agustino,NJOMBE
Kufuatia ongezeko la wimbi la changamoto ya ajira nchini serikali kupitia wizara ya kilimo kwa kushirikiana na wadau imeanzisha kongamano la fursa za kilimo,ufugaji na uvuvi litakalokuwa likikutanisha vijana kutoka kanda tofauti ili kubadilishana ujuzi na namna bora ya kukabiliana na changamoto zinazokwamisha sekta ya kilimo.
Takwimu za serikali za 2014 zinaonyesha zaidi ya asilimia 67 ya nguvu kazi ya taifa ni vijana hivyo serikali inakila sababu ya kuhakikisha inahamasisha miundombinu ya sekta hiyo kwani imekuwa ikitoa ajira kwa kiasi kikubwa tangu uhuru.

Akifungua kongamano la vijana zaidi ya 200 kutoka mikoa ya Iringa , Njombe na Ruvuma lililofanyika mjini Njombe kwa lengo la kujengea uwezo pamoja na kujadili changamoto zinazokwamisha sekta hiyo naibu waziri wa kilimo Omary Mgumba anasema asilimia 35 ya watanzania ambayo ni sawa na watu mil 16.1 ni vijana hivyo serikali imedhamilia kuhamasisha vijana kushiriki katika kilimo ili kukabiliana na changamoto ya ajira.

Awali mratibu wa kongamano la vijana katika kilimo taifa Revelian Ngaiza na mkuu wa wilaya ya Njombe Ruth Msafiri akiongea kwa niaba ya mkuu wa mkoa wanasema kupitia jukwaa hili vijawana watabadili mtazamo hasi walio nao katika sekta ya kilimo.

Kwa upande wao vijana akiwemo Tulizo Ngata na Steven Mlimbila ambaye amepata mafanikio makubwa katika kilimo na kupata tuzo ya mkulima bora kanda ya nyanda za juu kusini kwa 2018 wanaseema kinachokwamisha vijana katika sekta hiyo ni mitaji na masharti magumu ya taasisi za kifedha.

Kongamano hilo la siku mbili ambalo limefanika kwa mara ya kwanza mkoani Njombe litafanyika pia katika kanda saba nchini likiongozwa na kauli mbiu isemayo “Vijana Kilimo ni Ajira”