Home Mchanganyiko SERIKALI IMEONYA UUZAJI NA USAMBAZAJI WA VITABU VYA ELIMU VYA KIADA NA...

SERIKALI IMEONYA UUZAJI NA USAMBAZAJI WA VITABU VYA ELIMU VYA KIADA NA ZIADA VISIVYO NA ITHIBATI

0

Naibu Waziri wa Elimu,Sayansi na Teknolojia Mhe.William Ole Nasha akizungumza katika hafla ya Uzinduzi wa Vitabu uliofanyika katika ofisi ya Taasisi ya Elimu Jijini Dar es Salaam.

Mkurugenzi Mkuu wa Taasisi ya Elimu Tanzania (TET), Dkt.Aneth Komba akizungumza katika hafla ya Uzinduzi wa Vitabu uliofanyika katika ofisi ya Taasisi ya Elimu Jijini Dar es Salaam.

Naibu Waziri wa Elimu,Sayansi na Teknolojia Mhe.William Ole Nasha akizindua vitabu vya kiada na kusambazwa katika shule mbalimbali Tanzania bara na Visiwani kwaajili ya matumizi ya ksoma na kufundishia.

Naibu Waziri wa Elimu,Sayansi na Teknolojia Mhe.William Ole Nasha akiwa kwenye picha ya pampja na wadau mbalimbali wa elimu baada ya haflaya uzinduzi wa vitabu vya kiada na kusambazwa katika shule mbalimbali Tanzania bara na Visiwani kwaajili ya matumizi ya kusoma na kufundishia.

Naibu Waziri wa Elimu,Sayansi na Teknolojia Mhe.William Ole Nasha akikagua vitabu ambavyo vitatumika kwaajili ya kusoma na kufundishia shuleni.

***************************

NA EMMANUEL MBATILO

Serikali haitaruhusu kuuza na kusumbaza vitabu vyote vya elimu vya kiada na ziada visivyo na ithibati na yeyote atakaye kiuka agizo hilo atachukuliwa hatua kali za kisheria ili kuhakikisha maudhui ya elimu wanayoipitia wanafunzi yanakuwa bora nayakukidhi viwango vilivyo bora.

Ameyasema hayo leo jijini Dar es Salaam Naibu Waziri wa Elimu,Sayansi na Teknolojia Mhe.William Ole Nasha katika hafla ya uzinduzi wa kazi ya usambazaji wa vitabu vya kiada.

Aidha Mhe.Ole Nasha amesema vitabu ni nyenzo muhimu katika sekta ya elimu hivyo ameitaka taasisi ya elimu nchini kuongeza juhudu katika umalaziaji wa mchakato wa uandaaji vitabu kwa darasa la sita na la saba ili kuhakikisha wanafunzi wanapata elimu bora.

“Unaweza ukafanya chochote katika elimu, unaweza kujenga majengo, kuajiri walimu lakini vitabu vya kiada na ziada ndio moyo wa elimu pasipo kuwanavyo juhudi zote zinazofanywa ni bure”. Amesema Mh.Ole Nasha.

Ameongeza kuwa serikali inalidhia kuhakikisha sera ya elimu inatimizwa kikamlifu kwa kuwapatia elimu bora watoto wote pasipokujali changamoto ambapo wanafunzi wenye ulemavu wa kutokuona watapatiwa kitabu kimoja cha nukta nundu kwa kila mwanufunzi huku  wenye mahitaji maalumu wakitumia kitabu kimoja wanafunzi watatu.

Pamoja na hayo Mhe.Ole Nasha amewataka wasambazaji na wauzaji wa vitabu vya kiada na ziada vya ngazi mbalimbli za elimu nchini kuacha kuuza na kusambaza vitabu visivyo na ithibati.

Kwa upande wake Mkurugenzi wa Taasisi ya Elimu Tanzania, Dkt.Aneth Kombo amesema kuwa kupitia ufadhili wa GPE LANES, taasisi hiyo imekamilisha kazi ya uandishi wa vitabu vya nukta nundu na maandishi makubwa kwa darasa la I,II, na V. Vitabu hivyo ni mahususi kwa matumizi ya wanafunzi wasiona na wale wenye uoni hafifu.

Dkt.Aneth amesema kuwa Jumla ya nakala 38,200 zitasambazwa kwa uwiano wa kitabu kimoja mwanafunzi mmoja.

Mwaka 2019 Taasisi ilichapa na kusambaza vitabu kwa darasa la III na IV na jumla ya nakala 14,904 ya vitabu vya nukta nundu na maandishi makubwa zilisambazwa kwa uwiano 1:1.

“Kwasasa Taasisi itanedelea kukamilisha vitabu vya aina hiyo kwa darasa la VI na VII.Tunawashukuru sana washirika wa maendeleo GPE LANELS kwa kufadhili kazi hii”. Amesema Dkt.Aneth.

Pamoja na hayo Dkt.Aneth ameeleza kuwa Taasisi hiyo imeshirikiana na shirika la SILOAM lililopo nchini Korea linalojulikana kwa jina la SILOAM CENTER for the Blind kubadilisha vitabu vya ziada vya kawaida kwa ngazi ya Elimu ya sekondari kuwa nukta nundu.

“Shirika hili limefanya kazi ya kubadilisha vitabu vya ziada vyenye idhini vya masomo ya Physics, Chemistry, History,Civics, Biology,Kiswahili,Commerce na English kuanzia kidato cha I-IV”. Ameeleza Dkt.Aneth.

Hata hivyo Dkt.Aneth amesema vitabu vingine ni vya English Literature vya Wreath of Fr.Mayer,Pass like a Shadow,Play this time tomorrow, The Interview,Growing up with Poetry,Malenga Wapya,Ngoswe,Kilio Chetu, Wasaka Tonge, Houseboy, Three Suitors one Husband,Selected Poems, Unnaswerd Cries,Song of Lawino and Song of Okol.