Naibu waziri wa Afya akizungumza na waandishi wa habari Mara baada ya kufungua mkutano huo jijini Arusha leo(Happy Lazaro)
…………………………………………………………………………………………………
Happy Lazaro,Arusha
Serikali imezitaka Taasisi na vyuo vya maendeleo ya jamii kuandaa programu za mafunzo ya uanagenzi ambazo zitawezesha kutoa ujuzi na stadi muhimu zinazohitajika katika viwanda .
Hayo yameelezwa na Naibu Waziri Wizara ya afya ,maendeleo ya jamii jinsia ,wazee na watoto dkt Faustine Ndungulile wakati akifungua mkutano Wa majadiliano ya wadau kuhusiana utekelezaji Wa dhana ya uagenzi,yaliofanyika katika ukumbi Wa mikutano Wa kimataifa (AICC)Jana ndani ya jiji LA Arusha ambapo alisema kuwa kwa kufanya hivyo itasaidia kuliwezesha Taifa kuwa na wahitimu mahiri na wenye ujuzi utakaochangia katika kufanikisha Azma ya serikali ya awamu ya tano ya kufikia uchumi Wa kati Wa viwanda ifikapo 2025.
Alisema kuwa ,vijana wengi wanaomaliza vyuo mbalimbali nchini wanaishia kuwa na Elimu ya kile walichosomea badala ya ujuzi ambapo ndio unatakiwa kwa vijana wetu.
Alisema kuwa,ni lazima sasa tuhakikishe kuwa tunawaandaa vijana wetu kuwa na ujuzi wa kutosha kwani swala hill limekuwa ni changamoto kubwa kwa vijana walio wengi na mwisho wake kuishia kubaki mtaani baada ya kuhitimu vyuo mbalimbali.
Aidha Dokta Ndugulile alisema kuwa,uwepo Wa uanagenzi ni suluhisho la kuhakikisha mifumo ya Elimu inazalisha wataalamu mahiri wenye ujuzi au stadi zinazohitajika katika solo la ajira kwenye uchumi wa viwanda.
“kila mmoja anatambua kuwa serikali imeona umuhimu wa kushughulikia changamoto ya kuzalisha wahitimu wasioajirika kwenye sekta rasmi na isiyorasmi kwa kuanzisha dhana ya uanagenzi kwenye taasisi na vyuo vya maendeleo ya jamii ,hivyo nawaomba sana wote kwa pamoja mhakikishe mnakuwa na ushirikiano wa kutosha katika kufanikisha swala hili.” alisema Naibu Waziri.
Aliongeza kuwa,utekelezaji wa dhana ya uanagenzi unategemea sana ushirikiano mzuri uliopo kati ya taasisi au vyuo vya mafunzo na waajiri ambapo wote kwa ujumla hutoa nadharia katika fani mbalimbali na kupitia viwanda,taasisi za umma na za binafsi na mashirika wanachuo hupata fursa na kufanya kwa vitendo wanayojifunza na kupata ujuzi unaohitajika kwenye soko la ajira .
Aidha alizitaka taasisi hizo kuwaunganisha wanafunzi na wahitimu wa mafunzo ya uanagenzi na taasisi zakifedha ili wapate mitaji na vifaavitakavyowezesha kujiajiri
Akitoa mada ya juhudi za serikali z ya kuboresha ujuzi wa wahitimu wa taaluma ya maendeleo ya jamii na maendeleo ya jamii -ufundi Mkurugenzi msaidizi wa vyuo vya maendeleo ya jamii Neema Ndoboka alisema vijana wengi wanaohitimu vyuoni hawanaujuzi wa vitendo vya kile walichosomea hivyo kupelekea vijana hao kukosa ajira .
“Unakuta kijana anaelimu ya natharia (darasani ) ya hali ya juu lakini ukija kwenye vitendo Hanna kitu hivyo ndio maana tumeamua kuanzisha swala hill LA vijana wetu kufanya Kazi kwa kujitolea pindi wanapomaliza masomo yao ,pindi wanapojitolea inawasaidia kupata uelewa mzuri zaidi wa vitendo” alibainisha Neema
Kwa upande wake Mkuu wa taasisi ya maendeleo ya jamii Tengeru ,dkt.Bakari George alisema katika kuelekea katika swala hill ni muhimu vijana waliopo mashuleni kwanza waanze kujiandaa kifikra na awe na utayari wa kujifunza shuleni pamoja na sehemu ya Kazi ambapo anaenda kujifunza kwa vitendo zaidi na kupata ujuzi zaidi.
Aliongeza kuwa,kuna haja kubwa ya taasisi na mashirika mbalimbali kuhakikisha wanakuwa na ushirikiano wa kutosha kati yao na vyuo ili kuweza kutoa elimu kulingana na mahitaji ya soko ili wanapohitimu waweze kuingia kwenye ajira moja kwa moja .
