Mabingwa wa Kihistoria Tanzania bara Timu ya Yanga imetuma salamu kwa watani Simba baada ya kuibuka na ushindi wa bao 1-0 dhidi ya Biashara United kutoka MaraMchezo uliopigwa uwanja wa Taifa jijini Dar es Salaam.
Bao pekee la ushindi kwa Yanga limefungwa na Tariq Seif dakika ya 84 akimalizia pasi ya nahodha Papy Tshishimbi akiwa ndani ya 18 na kuzamisha moja kwa moja wavuni.
Seif ambaye aliwahi kucheza Biashara United kabla ya kusajiliwa hivi karibuni kwenye dirisha dogo ndani ya Yanga akitokea nchini Misri amesema kuwa anaona fahari kuipa pointi tatu, timu yake.
“Nimefurahi kuona nimeipa ushindi timu yangu inaamanisha kwamba ninaweza na nitaendelea kupambana kwa kushirikiana na wenzangu ili kuwa bora zaidi,” amesema.
Matokeo hayo Yanga imefikisha pointi 24 na kushika nafasi ya pili huku ikiwa imecheza mechi 11 na Simba bado wapo kileleni kwa pointi 31 wakiwa wamecheza jumla ya mechi 12.
Baada ya mechi ya leo Yanga wataingia mawindoni kujiandaa na mchezo wao wa Derby dhidi ya watani wao Simba mchezo utakaopigwa Januari 4,2020 uwanja wa Taifa.
Matokeo ya mechi nyingine zilizochezwa
