Na.Mwaandishi wetu,Arusha
Mabingwa wa Ligi Kuu Tanzania bara Simba wameendelea kukusanya alama tatu baada ya kuichapa bao 1-0 Singida United leo kwenye Uwanja Sheikh Amri Abeid jijini Arusha.
Simba huu ni mchezo wao wa Sita wakicheza bila kupoteza hata mechi moja wakifikisha jumla ya alama 18 na kuendelea kukalia usukani wa Ligi hiyo.
Simba walipata bao na la ushindi kwao kupitia kwa Mshambuliaji Kinda Miraji Athuman “Sheva’ mnamo dakika ya 41 kipindi cha kwanza.
Baada ya mechi hiyo kikosi cha Simba kinatarajia kesho kusafiri kuelekea mkoani Shinyanga kucheza na Mwadui FC katika uwanja wa CCM Kambarage mjini humo.
