**********
NA EMMANUEL MBATILO
Msanii wa kizazi kipya kutoka THT, Amos Francis maalufu Amasoul ameamua kuachia wimbo wake mpya unaokwenda kwa jina la WARU WARU ambao amemshirikisha msanii mwenzake Benson.
Akizungumza na Fullshangweblog, Amosoul amesema kuwa Mpaka sasa nimejipanga kuleta mapinduzi makubwa katika tasnia ya muziki lengo kuleta chachu na radha mpya katika upepo huu wa bongo fleva na kutanua soko la muziki kimataifa.
“Mashabiki wategemee vitu Vingi vizuri ambavyo hawakuvitarajia kwa sababu naamini nimejipanga vema kuwapa wanacho stahili kwa sababu mpaka sasa nina nyimbo za kutosha zipo nilizo imba peke yangu ila pia zipo nilizo washirikisha wasanii wakubwa walio nitangulia kwenye hii tasnia ikiwemo hii niliyo fanya na benson lakini pia kuna wimbo nimefanya na mwasiti pia kuna wimbo nimefanya na Hamadai msanii Kutoka kundi la The mafik”. Amesema Amosoul.
Aidha Amosoul amesema kuwa kuhusu kutoa Albamu muda ukifika mashabiki watapata wanacho kitaka kwa sababu ana nyimbo nyingi hivyo soko la Albamu likiwa tayari atafanya hivyo.
